Youth X-Treme den Soca & Zouk Xplotion 2K12 hunto cu bandanan grandi manera Kassav

Recientemente e banda Youth X-Treme a bishita Hulanda unda nan a presenta durante e actividad grandi di Arubadag dia 25 di Maart. E aña aki Arubadag a tuma luga na Broodfabriek na Rijswijk y a conta cu mas di 6mil hende. E comision encarga cu Arubadag a keda masha contento cu e audiencia y presentacion di e bandanan. Tabatin presentacion di bandanan for di Aruba cual ta Up-grade Music, Rincon Boys y pa pone e cherry riba e bolo Youth X-Treme cu a cera e actividad naturalmente cu e Roadmarch ganado.
Despues di e presentacion exitoso na Hulanda, e banda Youth X-Treme lo bay representa Aruba durante e Soca & Zouk Xplosion 2K12.
Esaki lo tuma luga durante e temporada di carnaval na St. Maarten dia 29 di April na St. Maarten Festival Village.
Hunto cu Youth X-Treme lo presenta tambe Pantha Vibes, Roxy, Shadowman, WCK y Kassav.
Durante di Jouvert morning cu lo ta 28 April marduga, e bandanan cu lo presenta durante e Soca & Zouk Xplosion lo bay ta hunto riba un trailer pa asina duna un ‘teaser’ di locual e publico por spera siguiente dia.
Parada di St.Maarten mes lo ta 30 April y 1 Mei.
Dia 30 April tambe Youth X-Treme lo presenta na un fiesta hunto cu 3 cilinder di cual e conocido ‘Onion’ ta tuma parti di dje.

Tur hende cu ta bayendo St. Maarten pa carnaval por conta cu un tremendo show y alabes ta wordo invita pa bin apoya bo banda di Aruba.