Woman of the year 2012: Parlamentaria Xiomara Ruiz Maduro
( Solo di Pueblo) E DAMA DI HERO!… XIOMARA RUIZ MADURO; HENDE MUHER DI AÑA 2012.. (Pa felicita Xiomara por Facebook un message riba su wall aki: http://www.facebook.com/xiomara.maduro?fref=ts
E ‘Dama di Hero’; Xiomara Ruiz Maduro awe ta haya e honor y e respet pa merecidamente ta e Hende Muher di Aña 2012!
Si tin un parlamentario, un politico, un profesional y un berdadero Arubiano, kende cu alma y cuerpo y cu tur conviccion di idealismo y perseverancia a sa di haci lo maximo pa sali na vanguardia di pais Aruba anto sigur esey ta Xiomara y e merece di haya e elogio y reconocimento maximo.
Su lucha pa trece e berdad pa dilanti, tanto den sala di Parlamento como den prensa en general, pa asina tene pueblo debidamente na altura di kico tur ta tuma lugar den gobernacion, Parlamento, y politica en general na Aruba, no a bay facil.
Ta masha hopi obstaculo y contra tiempo su persona a haya durante e aña cu a pasa, unda cu contrincantenan politico di e gobierno na mando no a sucumbi pa busca tur forma pa tanto personalmente como den linea di trabao, lastra su persona, perhudice y te hasta trata na perhudica su famia.
Como Parlamentario pa partido MEP, Xiomara semper tabata para den prome fila ora cu cos tabata cayente y nunca el a core pa ningun bataya y semper el a keda profesional den su linea di trabao y ey ta unda cu e marionetanan den Parlamento tabata tin masha problema mes cune pasobra riba tereno di trabao nan no por a contradicie.
Como mama y como casa e mester a wanta hopi humiyacion y persecusion contra su persona y contra su famia pero cu sosten di famia na cas, di partido y di pueblo en general, el a demostra di por sigui bataya y no hala ni un paso atras; te awe!!
E dama aki simplemente tin e sanger di bataya den su curpa y ta sali na vanguardia di tur nos yiunan y ta poco politico por para banda di dje.
Xiomara hunto cu e team di MEP den Parlamento a haci un tremendo trabao durante aña 2012 y awe cu e ta aya e merecido reconocimento di ta Hende Muher di Aña 2012, esaki lo bay haci dolor cerca contrincantenan politico, kendenan lo bay trata na haci uzo di e oportunidad aki pa bay desacredita lider di MEP, Eveline Wever Croes pa asina bruha tera pero e team di MEP ta mucho fuerte pa nan.
MEP ta traha como un berdadero Team y ta pesey cualkier elogio y reconocimento cu cualkier miembro di e Team di MEP haya, esaki ta un elogio pa e esfuersonan haci door di tur pasobra keto bay den MEP ta reina e espirito di un lucha pa uno ta un lucha pa nos tur y como Nos esaki ta nada otro cu Nos Pueblo.
Xiomara; Pabien y sigui cu e bon trabao.
Trackback from your site.
Comments (6)
Respet
| #
Na AYSI…..mi no sa si ta un hende homber of ta un hende muhe bo ta….pero unda bo respet akeda pa un hende muhe, specialmente den e dianan aki cu bo tin cu relfecciona pa wak kiko abo a haci pa bo mes of pa bo pais y kiko bo ta bay haci pa e proximo aña. Xiomaira a demonstra enberdad e tarea di un parlamentario, paden y pafor di parlamento. E no ta mescos cu e otronan di AVP cu ta silencioso (por ta nan no sa nan tarea pero blo critica) pa despues nan bin den prensa cu desparate, esey nan sa. Otro biaha cu Xiomaira papia….please scuch’e bon y bo ta saca bo conclusion. Pabien Xiomaira y sigui cu bo excelente trabou, para duro y pone nan na nan luga. Un berguensa total cu dianan di fiesta e gang di AVP ta haci politica riba ATV cu e proyecto desastroso di tram, boso a scucha un alma malo tabata grita?? Aki bo por a mira un diference entre televisionnan. Canal 22 a pasa gaita y aguinaldo pa 24 ora pa dia, esey ta loke ta pas pa e temporada aki. Pero wak carnaval yega, era e television sino bo ta bira sordo.
Reply
Dorinda
| #
mi a keda sorprendi di mira un mepista asina duro, manera senjora audrey croes lacle, alaba minister mike sevinger i gobierno. sra audrey a hasta maenra hasi cherche mustrando con e corazon di centro cuidad ta bati awor cu e proyecto di tram. acaso nos lo mira e bus geel di julio su casa, berde berde cu otmar riba dje??? laga nos wak kiko lo pasa, pero cos no ta mustra bon si pa nos partido. tanto hende ta bula barco asina, i ta pesei top no a nombra evelyn como woman of the year??? un pregunta amistoso
Reply
Opservador di Aruba
| #
Xiomara pabien I bon pasco ainda. Xiomara ami ta un persona cu ta wak tur cos kiko nos parlamentario I minister nan ta hasi I wak rond riba nos isla tambe kiko ta pasando. Nos manejo di e pais aki a bai ful for di man. Na unda nos tin 2 partido di mas grandi di Aruba cu ta probecha di abusa di e pais . Tur 2 ta gasta plaka pa loco cu nan friends I family tur 2 ta mescos Avp y Mep pesei mi kier un dia un partido nobo bin pa traha ful diferente I cu otro manera di pensa pa traha pa Aruba. Tin hopi campanjado I famianan di Mep ja ta sinta warda caba pa ora nan gana pa por sigui fiesta mescos cu Avp ta hasi ,esei kiermen cu no ta bai diferencia. Pesei mi kier a lagabo sa cu bo ta riba un lista cu no ta balelapena pabo pa loce cu bo kier hasi pa bo pais Aruba. Pesei mi ta haja cu bo mester ta riba un lista di un partido nobo na unda no tin fiesta di friends y family na unda cu gastamento di plaka di pueblo no ta bai ser hasi mas , Danki Xiomara pa tur cos bo ta hacienda pa e dushi pais Aruba sigui asina God Bless.
Reply
illes
| #
Ho ho ho Santa a laga un titulo pa Miss Xiomara Ruiz!!!! PORFIN !!!!!! Xiomara por bira un contado di storia BON NOCHI DRUMI DUSHI hahahahahahahahahahahaaaaaa …….
Reply
gilbert
| #
E muhe ta sali woman of the year den solo di pueblo so net e corant cu no ta sirbi na aruba.asina mes bo ta wa e berguensa di aruba ta sali woman of the year. Berguensa e corant I e muhe ki ta pa aruba. Solo di pueblo un ta cos di habri mes.anto e fayo di boletin awo ta di broadcast e berguensa ki. Pero ya boletin. Di awo pa dilanti wa ki boso ta broadcast. Paso e koki ta echt un berguensa
Reply
Na boso tur cu ta blo scibi kk
| #
Ohmbo ken nan mester a saka woman of the year DESIREE macho cu a casa cu un muher?? pa boso keda keto, y man of the Year Ottie lek zeta, esun cu DEO ta hasi oil change constantemente. Boso si ta un set di inutil. Xiomara ta un senjora y Anthony Ruiz ta un shon di abogado cu tin un bon record di gana caso. DOS HENDE CU MERESE hanja un bon titulo. paso Xiomara a desenmascara tur e mentiranan di AVP y Anthony a bay bari tur nonsense di gobierno for di mesa den corte. EVELYN a sali anja pasa caba.
Reply