Unda e placa di fondo destina pa nos medio ambiente a bay?

Sr. Rudy Lampe di partido RED kier a remarca papiando di hopi placa cual ta puntra Gobierno unda e placa di e fondo pa medio ambiente di refineria Valero a keda? Valero a cumbini den pasado pa crea un fondo pa medio ambiente mirando e hecho cu nan no tabata paga impuesto pa refinacion di petroleo cual tabata daña nos medio ambiente. Valero tabata deposita placa anualmente den e fondo aki cual a acumula un suma miyonario. Awor cu e refineria a sera, unda e placa di e fondo ey ta? Cual ta e suma? Ken ta esun responsabel pa e fondo aki? Suma di e fondo alo tabata riba cuenta di un banco local cual unico destinacion mester tabata pa proteccion di nos medio ambiente. Sr. Lampe ta puntra: “A cumpli cu esaki?” Ta spera di haya contesta riba e preguntanan aki.