Tres homber aparentemente dominicano ta drenta un cas na Piedra Plat arma cu machete y arma di candela

Diabierna anochi Polis di Sta Cruz ta bay cu urgencia na Piedra Plat caminda un atraco arma lo a tuma lugar ariba un cas. E cas ta situa pariba di Flatstone Supermarket na Piedra Plat. Ta ser bisa cu 3 persona aparentemente Dominicano lo a drenta e cas y a puntra pa e donjo, pero esaki tabata trahando, nan tabata tin machete cu nan. Stranjo ta cu nan no a bay cu nada. Poco mas pariba na e entrada pa bay Santa Rosa bisinjanan ta wak 3 homber baha for di un V-car color cora y desparece den e scuridad di anochi. E unidad di K9 di Polis tambe a juda busca den tur e area cu e persona nan aki lo por a bay pero sin resultado. STOHD y Atraco team a presenta na e sitio y Helicopter tambe lo lanta pa wak si nan ta hanja e 3 persona nan aki. E caso aki sigur lo bay bira un atraco hopi interesante,spera Polis por pone man ariba nan mas pronto cu ta posibel.

Durante cu Polisnan tabata busca y trata na hanja mas evidencia nan ta bin hanja un camisa di Militar cu tabata benta basta rato ariba caminda dilanti Veld di Britania. Polisnan no por a bisa na e momento nan ey si e ta pertenece na e tres homber nan cu a drenta e cas na Piedra Plat. Mas interesante e camisa a bira ora a hanja bala den dje hinka. Sigur ta habri caminda pa un investigacion profundo.