There are no ads, please add some

Trabou nan di mantencion ariba e pista di Aeropuerto parti anochi

trabou ariba pista di airport (2)

Den un entrevista cu vocero di Aeropuerto sr. Hendrick Croes e ta splica cu tin un projecto grandi ta tumando lugar despues cu aeropuerto sera dus trabaonan cu ta tuma lugar anochi. Esaki ta trabaonan cu ta cuminsa desde 11’or di anochi te cu 6’or di mainta unda cu aeropuerto ta sera pa asina e trabaonan por tuma lugar. Aki nos ta referi na specificamente na e runway rehabilitation. E pista di aterizahe ta ricibiendo trabaonan di mantencion specificamente e area cu mas tanto e avionnan ta baha of ta pisa e suela ora cu nan ta yega akin a Aruba. Aki ta un area di 1155 meter di largura y 45 meter di hanchura. Esaki pues ta e area cu ta wordo traha riba dje den oranan di anochi. Trabaonan lo dura pa 50 dia di dialuna pa diabierna di cual ta 10 siman cu e trabaonan aki lo tuma lugar. Awor ta apenas e comienso di full e projecto aki unda cu te cu 6’or di mainta nan tin pa por finalisa of e area di e dia eynan cu nan mester traha riba dje pa asina despues inspeccion por tuma lugar y despues mainta aeropuerto habri bek. Cada anochi locual ta bay sosode ta cu nan ta kita 7 centimeter di asphalt for di e area y despues nan ta pone 385 ton di asphalt cada anochi, esaki ta segun e planning cu mester sosode tur anochi prome cu e ora cu aeropuerto mester habri. E trabaonan aki ta wordo haci door di un personal di mas o menos 20 persona. Aki ta unda cu despues di un destaho publico e compania Arubaanse Wegenbouw Maatschappij Jansen en Jong ta encarga cu e projecto aki cu tin un balor di 6.5 miyon florin. Normalmente no tin avion cu ta ateriza durante e orario ey. Na aeropuerto e orarionan piek ta mas tanto den oranan di merdia y atardi pero si e motibo pakico toch ta anuncia cu aeropuerto ta sera ta pa motibo cu si tin un delay un otro caminda pa avionnan por yega Aruba nan mester ta altanto di dje tambe cu ta te 11’or nan por ateriza na Aruba y tambe si tin un delay na Aruba mes por ehempel un vuelo pa Sali, tin te cu 11’or pa haci esey ja cu desde 11’or di anochi pa 6’or di mainta aeropuerto lo ta sera pa e trabaonan por tuma lugar. Entre 6’ot pa 7’or e inspeccionnan lo tuma lugar pa por duna e clearance pa por habri e pista bek. Aeropuerto semper tin diferente projecto andando simultaneamente. Esaki ta un projecto specificamente riba airsight cual ta trabaonan di mantencion cu regularmente ta tuma lugar tambe. Mesun cos cu e inspeccionnan ta tuma lugar regularmente unda a mustra tambe cu esey ta e motibo pakico e trabaonan ta sosode den e time frame aki pa e trabaonan di mantencion. Semper tin projectonan ta tuma lugar na mesun momento e.o. ta den preparacion pa e projecto di solar panels tambe cu ta bay tuma lugar na aeropuerto segun vocero di aeropuerto sr. Hendrick Croes.

Related posts

Leave a Reply

Your email address will not be published. Required fields are marked *


*