Ta spera cu e aña aki tin mas seriedad encuanto pensioen

Sr. Guillfred Besaril presidente di sindicato SPA a comenta cu SPA a pidi documentonan pa locual ta trata e situacion reinando den APFA como tambe den AZV. E medida cu a wordo tuma den pasado pa cobra riba brutoloon enbes di nettoloon tabata uno temporario y awo ta scuchando gremionan ta papia di aumento di edad di pensioen. Actualmente ta papia tambe di edad di pensioen general cual ta conceri APFA tambe. E aña aki, esaki ta e topico pa cual lo bay discuti riba dje. Ta spera cu e aña aki bin seriedad pa locual ta e topico aki mirando cu 2013 ta aña di eleccion cual ta pone cu hopi biaha ta tapa solo cu un dede y no sa kico ta e resultado final. Ta spera tambe cu sano huicio prevalece y na momento di trata e temanan, esaki wordo trata cu seriedad mirando cu ta hungando cu future di hopi hende cu a inverti den e fondo aki. Pa e motibo aki a pidi documentacion cual poco poco lo yega na solucion tumando pasonan necesario.