Ta pidi clientenan pone atencion: Elmar ta anuncia cu diahuebs awo lo tin interupcion di coriente den varios bario

Door di un ekibocacion Elmar a anuncia cu diamars 20 di maart lo tin un interupcion di coriente den varios bario, pero esaki no ta e caso! E interupcion di coriente lo ta diahuebs awo, dia 22 di maart, en conexion cu e trabounan necesario cu Elmar mester ehecuta.

For di 8’or di mainta te cu 12or di merdia, no lo tin coriente den e vecindarionan di: Calabas (un parti), Kudawecha (un parti), Noord (un parti), Alto Vista (un parti), Sabana Liber (un parti), Sero Janchi (un parti) y Sabana Villas.

For di 8’or di mainta te cu 4’or di atardi, no lo tin coriente den e vecindarionan di: Montaña (un parti), Seroe Janchi (un parti), Matadera (un parti), Sabana Liber (un parti), Boegoeroei (un parti), Saliña (un parti) y Paraguana (un parti).

Elmar ta pidi disculpa pa cualkier inconveniencia cu esaki por trece cun’e y ta sigura e habitantenan cu lo traha mas eficiente y rapido cu ta posibel, pa e coriente por ta bek den funcion pa nan uzo diario.