Sr. Frederick Alex Croes a gana caso pero su bida a wordo perhudica
Abogado Anthony Ruiz a comenta con su cliente Frederick Alex Croes e wordo perhudica door di Fundacion Lotto pa Deporte apesar cu huez a dicta na su fabor. El a wordo encarcela entre 2010 y 2011 pa motibo cu Fundacion Lotto pa Deporte (FLPD) a entrega un keho penal y a cuminsa un caso civil contra dje. E caso aki a perhudike tanto personalmente como profesionalmente ya cu FLPD a pone beslag riba tur propiedad di dje na balor di como 2 miyon florin. A paralisa e operacion di e compania di e cliente, a paralisa y destrui e bida familiar, a laga e homber bay sera pa 36 dia y riba dje mester a wanta tur sorto di mentira por escritopa entre otro 24ora.com cu e lo ta cobra sumanan exorbitante pa su trabaonan. FLPD a cuminsa e caso contra su cliente cu un demanda di mas cu 2 miyon florin cual a wordo rechasa pa huez dia 6 di februari ultimo. Den e demanda di FLPD nan a pidi tambe pa kibra tur contract cu su cliente e.o e contractnan di projecto Yara, projecto Pos Chikito y projecto Winston pero huez a rechasa e demanda aki tambe. E otro ponencia cu FLPD a trece dilanti cu su cliente lo a haci mal trabao pues wanprestatie tambe huez a bari for di mesa. Por ultimo e demandanan di FLPD pa cobra su cliente ademas di e 2 miyon florin tambe mas cu 88 mil florin extra plus 34 mil florin pa projecto di Pos Chikito y 243 mil florin pa projecto di Winston, tur a wordo rechasa. Tambe e petishon di FLPD pa kibra tur contract cu e tin pa den futuro a wordo rechasa pa huez.
Huez a otorga ta e petishon di e cliente sr Croes pa FLPD paga sr. Croes pa daño di perhuicio. FLPD mester pag’e 351.448,59 plus un suma di 10.800 florin na abogado. Pues enbes cu FLPD haya e 2 miyon florin cu nan a demanda awor nan mester pag’e casi 400mil florin. E caso no a caba ainda. Na april FLPD mester por demostra cu tin daño, huez a pidi pa no haci esaki cu rapportnan di e mesun companianan cu a haci rapport pa e caso di Bouldin and Lawson di dump. FLPD mester por proba ki daño nan a sufri pa motibo di sr. Frederick Alex Croes. Huez a bisa cu mirando largura dje caso y e manera di proceder di FLPD e ta a ordena pa FLPD paga e casi 400mil florin aki imediatamente. E suma ta mustra hopi placa pero asina mes e cliente lo keda cu debe despues di e caso aki. El a bay sera y mester a fia placa pa mantene su famia e tempo cu e tabata sera como tambe pa e gastonan pa ayudo huridico. Tambe sr. Croes a fia placa pa biba despues di a sali di prison y a keda mentalmente na werki despues di e caso aki. Den e caso aki di berdad e cliente a gana pero a keda ruina pa motibo cu FLPD a cuminsa e caso y pone beslag riba tur cos di sr. Croes paralisando su bida completo.
Trackback from your site.
Comments (9)
OBSERVADOR
| #
AYERA ABOGADO RUIZ TA DECLARA CU ELA ENTREGA KEHO OFICIAL, AWE MINISTERIO PUBLIKO TA BIS NO TIN KEHO RICIBI, TA KEN TA GANJA AWOR ?
Reply
DONJO DI 24 0RA
| #
@MI TA GOSABO SI OB PASOBRA BO MES TA BISA TA KEN TA GANJA AWOR , HASTA DEN GOBIERNO BO NO TA KITA E BRIL DI PALONAN EY E MALA MAYA CU BO GOBIERNO AINDA BO TIN CUERI PARA PUNTRA TA KENDE TA GANJA .
Reply
INFORMADOR
| #
MI TIN CU INFORMABO CU TIN HOPI HENDE DESEMPARA PA E GOBIERNO AKI HOPI TA ESNAN DESAPUNTA ,TAMBE CU TA DEPRIMI TUR A CONSEQUIENCIA DI MAL GOBERNACION AINA BO NO A KITA E BRIL I KITA E EARPLUGS DI CONDO .
Reply
Buchi Cunucu
| #
Mester entama un caso tambe contra e persona Antersijn cu FLPD a contrata pa investiga fraude den FLPD. Mi kier meen, cu ki hoedanigheid, cu ki autoridad y cu cua esperiencia den casonan asina e persona aki por hasi investigacion contra hende te na hasi cu FLPD ta cuminsa casonan inhusto contra hende cu awe Juez ta declara innocente?
Reply
politiek2013
| #
Frederick, ta ora pa bo cuminsa pone es nan resposabel pa nan hecho nan…raspa di Earnst & young, bai pa directiva di Lotto, y subi trapi si mester yega te Minister nan sin lubida reportero nan barata manera Andrade y tambe Diario y 24 ora.com…anto na esnan cu a papia hopi ta hunga JUEZ… bai misa pidi perdon y no hole e dede sino chupa pa bo sa con Frederick Alex Croes smak..
Reply
eberdad
| #
Anto Lotto gobierno cu placa di pueblo a paga masha hopi placa den investigacion y demanda den e casonan aki
Reply
Frederick pabien di bo caso
| #
Frederick Hopi Pabien di bo caso,awor bo mester demanda TTUUUURRR hahahahahahaha y poco poco tur ta haya
Reply
juanchito
| #
@OBSERVADOR, PIKA PABO, MI TIN HOPI DUELE DIBO, BO TA UN HENDE LASTIMOSO, BO NO POR NI PENSA PA BO MES, BO TA LAGA NAN MANIPULABO PA PLAKA Y MAS E DELASTER LUNANNAN AKI PASA MAS DESESPERA BO TA BIRA, CORDA CU PLAKA TA CABA Y LEY DI KARMA TA BIN PABO.
Reply
Juanchito
| #
AYERA MI A TENDE DOWERS PAPIA ANTO DEN SU PAPIAMENTO E TA MENASA HENDE SO, TA ORA NOS CU TA PUEBLO BAI VOTA E ORA NOS TA DESKITA TUR E MENASANAN, TENE CUENTA.
Reply