Sr. Fan Eman – Preparacion pa The Return of Monster Trucks 2012 ta den full swing y dia 19 di October lo tin un parada di Monster Trucks

Recientemente a tuma lugar e conferencia di prensa di The Return of Monster Trucks 2012 convoca pa The Brute Racing Organization na Renaissance Market Place. The Brute Racing Organization a anuncia cu tur preparacionnan ta bayendo hopi bon y sigur e expectativanan ta grandi pa e show di The Return of Monster Trucks 2012 cual lo tuma lugar den Don Elias Mansur Ball Park dianan 26, 27 y 28 di October 2012. Na e conferencia di prensa aki tabata tey presente varios di e patrocinadornan cual tambe a haya chens pa hiba palabra. E weekend aki miembronan di The Brute hunto cu Team Aruba lo ta biahando pa e homebase di Team Aruba cual ta Union, South Carolina. Tur esaki ta cu ayudo di Insel Air cu ta e aerolinea official di tur drivers di The Return of Monster Trucks 2012. Aki tur 6 monster truck lo ta jegando di tur parti di Merca. Nan lo ta teniendo un display di tur truck pa tur esnan cu ta biba na Union y e areanan den sercania. Despues di e display aki nan lo subi caminda pa Fort Lauderdale, Florida unda cu tur e monster trucknan mester tey pa subi barco. Tur documento di carga y shipping lo wordo prepara pa MLR Export, King Ocean y Vicari Trading. Tur 6 monster trucknan lo jega Aruba Diabierna, October 19. Lo ta bay tin gran parada saliendo di waf pa Renaissance Marketplace. Promer cu esaki e trucknan lo pasa na R.E. Yrausquin & Sons pa repasa nan motor y sigura nan na Nagico. The Return of Monster Trucks 2012 ta hopi orguyoso di bisa cu nan lo ta bai ta parti di e Monster Shopping Extravaganza durante di e weekend ey. Tur 6 monster trucknan, Extreme Biker di Tim Dyson, Quad Racers di Aruba Dirt Bikers lo ta parti di e parada y lo para na differente sitionan di Renaissance Marketplace pa tres dia. Aki un y tur lo por goza di un weekend di shopping nights y tambe haya chance pa saca potret cu e monster trucknan manera BIGFOOT, AVENGER, CHALKBOARD Chulk y mucho mas.
Preparacion ta den full swing kiermen wak pa bo no perde e show di aña. Tickets lo sali otro siman y lo ta obtenibel na Dragon CD & Electronics, El Gallo Rojo, Mio Cayena Mall, Kooltemp, Fun Miles, Manuelito’s Sports Bar, TRI-BIKE y Veterinario Contreras pa solamente 35 florin pa persona y 2 mucha bao di 12 aña ta drenta cu 1 ticket.