Ser femenino ta traha 30 ora mas hopi cu e ser masculino
Nos por a compronde for di sra. Marisol Lopez-Tromp cu nos hende muhernan ta traha un average di 30 ora mas hopi cu e ser masculine di cual e trabaonan di cas, cuido di e casa y yiunan na cas no ta conta como actividad economico. Esaki no tin un prijs riba dje of un salario. Esaki ta conclusion saca di investigacionnan hiba pa e region di Latino America riba e tema di igualdad di genero. Locual ta conta den nos economia ta solamente e trabaonan cu tin un salario p’e of productonan cu tin un prijs riba dje. Pa economistanan por ehempel e peso di cuido den cas y cuido di nos miembronan di famia manera nos partnernan, nos mayornan y nos yiunan, no ta conta como un actividad economico paso tur e actividadnan den un hogar cu ta sostene nos famianan y cu no tin pago pa nan, no ta wordo midi. Esaki ta contribui na mantene e desigualdad cu tin entre e hende homber y e hende muher cu ta traha. E proposicion di e Head of the UN Women Leadership and Governance Division durante e encuentro Regional di Parlamentarionan di Latino America y Caribe, a propone pa (sigui) haci investigacion den nos paisnan y pa nos jega na cambia e modelo economico existente di tal forma cu nos ta inclui e peso di e cuido y maneho di nos cas y di nos miembronan di famia y e actividadnan cu ta yuda sostene nos bida diario. Cuanto hende ta forma parti di e economia di cuido aki na Aruba? Spera cu e “machonan afectivo” den nos comunidad cu tambe ta yuda den e cuido na cas y trabaonan di cas no sinti nan ofendi of exclui y ta pesei lo ta interesante pa haci un investigacion con lew nos ta aki na Aruba den e reparticion di trabao di cuido na cas y e educacion di nos yiunan.
Trackback from your site.
Comments (6)
papia coi kens
| #
papia coi kens, bo mes no ta un ejempel. abo no ta traha pa nada di mundo. viaha rond mundo y sin bai trabou no ta conta pa defende e hende muher. Mihor Evelyn cu abo mes.
Reply
DI KEN BO TA PAPIA???
| #
DI KEN BO TA PAPIA MARISOL? DI PIERRE???, PONE BO CORDA ANTES AJA???, BAI FLIET.
Reply
un arubiano
| #
Marisol, tur hende sa cu un bon mama ta traha mas cu un ser masculino,cu e articulo aki bo no ta dunando niun information nobo, pero nos kier a wak bo defende nos cu ta pueblo den e tres anja nan cu a pasa, cu e malgobernacion cu a pasa bou bo nanishi y abo tabata keto, alcontrario di Booshi Wever cu a sigi traha y defende e pueblo, pesei bo a nos cu ta pueblo ta paga boso.
Reply
Asmodian Spiritmaster
| #
SER FEMENINO TA TRAHA 30 ORA MAS HOPI CU E SER MASCULINO…..cu excepcion di Minister y Parlamentario Femenino, berdad?
Reply
dow FREE FOR ALL
| #
FUERA CU TIN MASHA ILLEGAL TA KEDA ATRAS ,TIN HOPI TA DRENTA VIA LAMA ,BO TA WAKNAN TA CANA NI CU PANJA DI JOG DEN E ORANAN EY NI BINIENDO FOR ESTABLECIMENTONAN CU NO TIN EYBANDA ORA DI PASA BANDADINAN TA HASI COMO SIFUERA TA BIRA CARA WAK OTRO PARTI ASINA TA CU TA HOPI BIAHA TIN DI E HENDENAN AKI TA DRENTA ILLEGAL .
Reply
Collebra
| #
Marisol bo periode di tabata Importante a pasa pa pasado. Ja aworaki bo no lo por convence nuin hende mas. Un cos cu lo bo por purba hasi ainda ta, splika cuanto ora abo mes ta traha pa luna.
Reply