Senjora ta pone fin na su bida

Awemerdia, pa mas o menos 11:15 central di polis ta ricibi un informacion di AC cu un persona lo a trata di suicida su mes den Caya Frere Johannes. Personal di ambulance (paramediconan) lo ta tratando pa rebib’e, pero e no ta duna senjal di bida.

Patrouille di Oranjestad cu ta bay na e sitio ta bin constata en berdad cu esaki ta e caso. Autoridadnan competente ta bay na e sitio y pa mas o menos 11:25 dokter Ling ta constat morto di e victima, na bida yama:

Ramona Beatris Zambrano casa cu TROMP,

nasi na Aruba,

25 di februari 1950,

biba na Caya Frere Johannes # 9.

Fiscal tambe a bin na e sitio y no a haya ta necesario pa tuma e curpa den beslag pa investigacion.

E victima a termina su bida pa medio di horcamento, segun informacion, despues di un bataya largo cu depression severo.

Di parti di Cuerpo Policial kier manda nos mas profundo sentido pesami y palabranan di forza na e famianan di e fayecida.