Sea conciente cu consumo di awa y coriente durante dianan di fiesta

Sra. Asja Dongen vocero di WEB Aruba ta duna un splicacion amplio pa locual ta trata e orarionan di WEB pa dianan di fiesta. Ciudadanonan mester keda tene na cuenta e consumo di awa y coriente ja cu tur aña durante e temporada aki ta haci mas uso di awa y coriente na momento di haci limpiesa, dorna cas cu lus etc. Esaki ta causa cu bo cobransa di awa y coriente ta bin un tiki mas halto fin di luna. WEB Aruba manera semper ta keda haci tur nan esfuerzo pa asina concientisa e ciudadanonan y carga e uzo extra tambe ya cu kier keda garantisa e suministro di awa y coriente. Durante dianan di fiesta WEB ta sera riba 24, 25 y 26 di December. Dia 27 y 28 di December loketnan ta habri normal y dia 31 di December ta sera atrobe te cu dia 2 di Januari 2013. Dia 3 di Januari Web Aruba N.V. lo ta habri normal pa duna servicio na Aruba. Pa locual ta trata e call center, esey si ta keda den servicio pa tur storing cu por presenta. E number pa jama ta 5254200. Pa central di WEB por jama na 5254600 cual ta disponibel 24 ora pa dia 7 dia pa siman. Na e numbernan aki por jama na momento di emergencianan cu lo por presenta.