Polis ta pidi pa testigo den caso di tiramento
Ministerio Publico, hunto cu Cuerpo Policial Aruba, ta intensivamente ocupa cu e investigacion di e tiroteo fatal den caya St. Maarten di Diamars anochi 18 di december 2012.
Relaciona cu esaki e team di investigadornan ta pidi cualkier testigo, cu riba e fecha menciona (entre 10′or y 12′or di anochi) por a wak un autoToyota blanco den caya St. Maarten, pa duna informacion ANONIMO via tiplijn di polis (11141).
Tiplijn di polis ta completamente anonimo y safe.
Esun cu ta desea tambe por dtuma contacto cu recherche San Nicolas pa duna mas informacion.
Nos kier pidi tur hende cu sa algo di e caso aki of tin cualkier informacion cu por ta relevante pa yude clarifica esaki, pa coopera cu husticia pa asina nos por resolve esaki mas pronto cu ta posibel, tanto pa duna husticia na e victima pero tambe na e famia.
Di antemano danki pa e acostumbrado cooperacion.
Saludos,
–
John C. Larmonie
Vocero di Polis Interino
Trackback from your site.
Comments (1)
COLLEBRA
| #
Shon Polisnan ta henter Anja aden Anja afor boso kier keda pidi testigo of esun cu por a wak algo pa pasa na warda di Polis of jama pa informa????? Acaso ta pueblo metsre hasi boso trabow pa boso tambe??? Esakinan ta resultado di cu ora un hende den problema jama boso Polisnan, anto boso ta show up despues di mei ora cu un ta un ora conpleto despues !! Anto e ora boso kier bin cu boso wega di semper, cu esun cu por a wak algo ??? Ombo boso sali circula mas ariba Aruba conpleto om. I si no tin suficiewnte auto, uza Bicikleta, of patruya na pia mes om. Na otro Paisnan grandi bo ta mira e Polisnan ta cana e cayanan di punta pa punta, anto no 1 biaha6 of 7 biaha esei nos ta jamatraha. Kayboei.
Reply