Polis a keda cu mordi despues di atende problema entre pareha na Palm Beach

PALM BEACH — Central ta manda polis diabierna anochi na un cas na Palm Beach, na unda un homber ta maltrata un muhe. Na e sitio, polis ta papia cu e muhe W.P. naci na Aruba di 26 aña, kende ta bisa el a bay cerca su amigo pa hiba paña. E ta bisa cu su amigo Y.R.S. nacina Venezuela di 22 aña a ranke na su brasa pa hinke den cas. Tambe e ta bisa cu e ta haya falta di su celular. E ta bisa cu pa ultimo biaha cu el a mira su celular ta den su auto. Polis a intermedia entre nan dos y W.P a bay na su cas na Madiki. Durante cu polis tabata intermedia, un polis a wordo mordi pa un cacho na su pia drechi. Ela bay poli pa e haya un angua.