Personal den servicio di gobierno a baha pero gastonan a subi

Durante conferencia di prensa di partido AVP, sr. Juan David Yrausquin ta comenta cu finansas publico lo bay haya su presentacion e siman aki den parlamento diparti di banco central paso tin basta pregunta cu mester wordo haci. Diabierna lo tin e presentacion di banco central unda cu e ta bay papia riba e projeccionnan economico pa nos pais Aruba pa e añanan venidero como tambe e projeccionnan financiero pa nos pais e añanan nos dilanti. Manera nos sa caba, recientemente Valero a sera su portanan cual tabata tin un impacto riba finansas publico riba nos economia pero tambe lo tin un impacto den nos economia y finansas pa e añanan nos dilanti. Atrobe e informacion cu wordo duna diabierna awor ta uno importante no solamente pa e politiconan pero pa nos comunidad en general. Sigur tambe pa gremionann y sindicatonan. E siman aki a Sali un declaracion diparti di bloke sindical unda cu nan ta bisa cu nan lo kier papia riba indexering cu gobierno. Ta bon pa gobierno y gremionan, sigur tambe pa esnan sindical sinta na mesa papia y sigur na e momentonan aki no solamente papia di indexering pero pa wak con e sindicatonan por yuda di aporta pa e retonan economico cu nos pais tin. Normalmente bo ta sinta papia cu sindicatonan pa wak con bo ta reparti e bolo den un mihor forma. Esaki ta conta sigur pa sindicatonan cu ta di gobierno pero na momentonan aki e situacion economico di nos pais y financiero tin su retonan ta na su lugar pa e sindicatonan aki sinta na mesa y wak con nan por aporta tambe na e finansas di nos pais y no solamente puntra y pidi con nan por mehora e posicion di nan miembronan. Esaki ta un momento importante y den e caso aki ta pidi pa e sindicatonan specificamente den e bloke sindical cu ta papiando di esaki pa nan pidi un reunion cu banco central pa nan tambe wak e cifranan economico y financiero. E informacionnan cu tin ta cu tin menos persona den servicio di gobierno pero e gastonan di personal a subi cu mas o menos 69 miyon florin. Na momento cu tin retonan financiero, sindicatonan por sinta na mesa cu gobierno y mira e ora ey con por yuda e situacion aki mirando e retonan economico y financiero cu nos tin. Un apelacion ta wordo haci na gobierno pa aserca e sindicatonan cu e reto ey nan dilanti. E situacion economicamente tambe ta parti di discucionnan cu tabata tin den dialogo social pero specificamente ora ta trata di discucionnan bilateral entre gobierno y sindicatonan pa locual ta trata condicionnan laboral ta kere cu esaki ta un bon momento pa papia y comparti e preocupacionnan aki, segun sr. Juan David Yrausquin.