Palo di lus ta kibra completo na veld di Riverplate , tin un mas bandi dje ta sigi

Diaranson den dia tur hende a haña sorpresa ariba e veld di Riverplate na Madiki.
Ta asina cu un di palo di lus parti pa noord a kibra completo. Esaki sigur lo mester a pasa den ora nan di marduga.
Nos reportero nan na e sitio cu a cubri e caso por a nota cu e base di palo di lus tabata completamente frustia. Dus e tabata algo cu por a pasa ki ora cu ta , y cu consecuencia nan fatal cruel. E palo di lus mey mey parti pa noord ta e sigi pa bin abou , e foto cu e flecha cora ta illustra claramente esey.
Nos a bin compronde cu Lotto pa Deporte basta tempo no ta haciendo nada mas pa e veld aki , y e potretnan ta papia pa nan mes.
Banda di pa zuid , un ruina caminda tabata tin un tribune.
E unico cos nobo cu no por a tume nota di dje tabata e candal na e entrada.
Esnan encarga cu e veld , haci algo of bay na e instancia concerni prome cu un desaster pasa eybanda.
Imagina si e palo di lus a cay e otro banda , esta no den e veld. Kiko e ora ?