PABIEN NA JOHNNY HABIBE Y HITS 94 CU 20 ANIVERSARIO

Partido MEP ta felicita sr. Johnny Habibe y Radio Hit 94 FM cu celebracion di 20 aniversario dia 15 di februari. Johnny Habibe a cuminsa como un hoben den radiolocucion, y despues traha carera na diferente radio. 20 anja pasa su sonjo a bira un realidad danki na su determinacion y trabow duro. Un paso cu ta exigi hopi curashi, pero Johnny Habibe a sa si hasie.
Awendia e radio aki ta wordo bon scucha, y ta conosi pa un radio cu ta habri pa tur hende.
Partido MEP a mand aun bouquet di flor y lider di MEP Evelyn Wever-Croes y parlamentario Xiomara Ruiz-Maduro a bai personalmente pa felicita sr. Habibe.
“Den nomber di e famia di Movimiento Electoral di Pueblo mi ta felicita sr. Habibe cu e aniversario importante aki, y mi ta spera cu nos por celebra hopi mas aniversario di Hit 94 hunto”, lider di MEP Evelyn Wever-Croes a finalisa.