Pa Sindicato SEPPA aña 2012 no tabata uno facil pero toch satisfecho

Sra. Magaly Brito di sindicato SEPPA ta duna di conoce cu e aña aki no tabata un aña facil pero toch ta satisfecho. Final di aña ta momento pa reflecciona pa mira con e aña a transcuri. A logra hopi cos pa e miembronan e aña aki pero sigur lo tin retonan grandi nan dilanti pa aña 2013. Tin diferente departamento cu mester haya atencion. Aña 2013 lo habri cu e situacion di e empleadonan di IMSAM. Tambe SEPPA ta spera di keda cla cu e salario di e werksternan pa nan logra haya locual nan merece. Sigur cu tin mas departamento cu mester atencion. Sindicato SEPPA ta contento di por a contribui na e Adelanto di e trahadornan di Arubus pa e proximo 3 añanan pues nan a keda cla cu e CAO. Ta premira cu e aña di eleccion lo bay ta un reto grandi cual e sindicato mester deal cune tambe. Politiconan sigur lo ta druk cu campaña pero ta spera cu nan por keda atende e situacionnan pendiente ainda y asina keda cla cu esaki tambe. SEPPA ta desea tur su miembronan y Aruba en general felis aña 2013 y sra. Magaly Brito ta termina sspera cu tur hende bay cu cautela pa asina evita situacionnan desagradabel.