Ora MEP a aumenta AZV tur a critica pero awor niun stof ta bula

Durante un conferencia di prensa di partido MEP nos a compronde for di sr. Ady Thijsen cu awor cu Gabinete Eman a aumenta tur cos, ningun stof ta bula for di ningun sector ni gremio. Pero tempo cu gobierno anterior a aumenta AZV, tur hende a critica. Tempo cu Booshi Wever tabata minister di Salubridad el a aumenta e tarifa di AZV na 2% cual a haya reclamo di tur gremio cu a bira loco. Fraccion di MEP a opta e tempo ey pa e bira 0.6% y 1.4% ja cu e trahador o por paga mesun premie cu e doño di trabao. Criticanan pisa a bin di e gremionan di cual awor nan mes ta laga AZV bira 1% y 1%. Unda e consistencia ta kedando? Gremionann mes ta laga esaki sosode awor di cual ta haci cu e economia lo sigui bay atras. Tin un aumento enorme di criminalidad como tambe problemanan social. Si bo papia di claridad den e dialogo social, lo bisa cu e pilar economico ta turismo pero por mira cu den e board di ATA no tin un representacion di un gremio sindical. Dicon gremio sindical no ta representa den e board di ATA ja cu ta papia met de mond vol tanden di un tri-partiet? Esaki ta cosnan cu ta pone sinti manera cu cosnan ta bay malo cual no ta mira e realidadnan pa Aruba. Na momento cu ta trata e topiconan aki mester tin mas seriedad, segun sr. Ady Thijsen.