Ora bo profundisa bo mes den un caso, ta ripara cosnan cu na comienso kizas bo no a cay ariba dje

Nos a bin compronde for di sr. Andin Bikker lider di Partido Democracia Real cu dialuna ultimo a trata e caso den corte encuanto spear fishing. E caso aki tabata satisfactorio pa sr. Bikker y el a comenta cu ora bo profundisa bo mes den un caso, bo ta ripara cosnan cu na comienso kizas bo no a cay ariba dje. A bin ripara cu e sistematiek di wetgeving tin un ley di Antiyas cu tey actualmente ainda na Aruba cual legislador no a trek in e ley aki. Den e ley aki ta para cu bop or pisca cu harpoon pero no mag tira riba piscanan cu ta wordo protehi. A prueba cu tin diferente ley vigente ainda na Aruba pa cual sr. Bikker a sorprende Ministerio Publico cu e argumento aki cu e no a tene na cuenta. Aki ta caminda cu a pidi corte oportunidad pa reacciona riba e punto aki. Den concepto di sr. Bikker ya caba a expande riba diferente otro argumentonan tambe y ta duna e acusado razon. E ley actual su espirito ta cu mester proteha animalnan cu ta protehi y esaki ta pone cu si ta un pargo of cualkier otro pisca esaki nan si por piscanan cu liña y haak como tambe cu harpoen. Esaki no manera awor cu tin un prohibicion desproporcional unda cu ta prohibi pa pisca tur pisca. Otro argumento mas cu a wordo profundisa riba dje ta e hecho cu den pasado mes a declara otro acusado liber pa e mesun acusacion aki. Tin diferente ley riba e mesun topico y esaki ta contradictorio. Un ehempel ta e Algemene Politie Verordening den cual ta bisa cu ta permiti pa pisca cu un harpoen basta cu esaki ta 50 meter for di costa. Pues no por ta asina cu un otro ley di naturalesa mas di un orden mas abao manera e LB HAM ta bisa cu esaki no por den ningun forma. Ora leynan ta contradeci otro e legislador mester percura pa cambia esakinan y no lag’e bira un peso pa e ciudadano. Esaki tabata un otro agrumento riba su mes cu ta mustra cu e acusado mester sali liber. Lo bay mas leu y a bisa Corte cu esaki ta un caso di prueba y pues sr. Bikker ta dispuesto pa bay cu e caso aki te Hoge Raad y si mester te Europees Hof. Ta spera cu corte tene cuenta cu e argumentonan di sr. Bikker mirando cu den prome instante corte no a motiva e argumentonan contra lo suficiente mientras cu su ponencianan si ta hopi amplio y bon documenta y pues a pidi Corte Superior pa nan amplia riba nan motivacionnan kico nan ta pensa di su argumentonan mirando cu esaki ta un test case cu lo por end up den Hoge Raad. Mirando cu Corte a honra e peticion di Ministerio Publico pa bay studia e argumentonan nobo cu nan a trece, Ministerio Publico lo mester reacciona por escrito prome cu dia 1 di april y dia 22 di april e caso lo sigui cual eynan Hof lo tuma e decision ki dia nan lo dicta sentencia segun Lider di PDR sr. Andin Bikker.