“Nos a haya KIA den un situacion hopi hopi penoso”

Written by Solo on . Posted in Local

Minister di Husticia Arthur Dowers a enfatisa, “Nos a haya KIA den un situacion hopi hopi penoso,” añadiendo cu despues di analisa raportnan, entre otro di CPT, por conclui cu e fondonan cu a wordo poni disponibel na e minister di husticia anterior no a wordo bon uza y esaki e mesun partido cu tabata na manda e tempo ey a conclui awo. E inversion cu Minister Dowers ta referi na dje ta esun cu Tweede Kamer di Hulanda a haci pregunta ariba dje. Ta trata di “10 y tanto miyon” cu mester a wordo inverti den KIA cu no a wordo duna na Minister Dowers, si no na e minister di husticia anterior, pues mester conclui tambe cu ta e minister di husticia anterior lo mester responde con y unda e placa aki a wordo inverti of gasta. Sr. Dowers a bisa, “Mi responsabilidad ta pa deal cu loke mi a topa cun’e. Un situacion hopi hopi penoso” cu ta wordo discribi den rapportnan, entre otro e rapport tan discuti di CPT, e comision europeo pa prevencion di tortura. Ta trahando tur dia pa mehora e situacion den KIA, pero e instituto a wordo neglisha pa hopi aña y no ta di dia pa anochi por drecha loke a bay malo pa tanto aña. Entre puntonan di discusion ta e “jeugdafdeling” cu a resulta di no ta apto pa e uzo cu e ta destina y tambe e estado deplorabel di e edificio en general. E mandatario actual a comenta cu no ta posibel pa haci cambio na e “jeugdafdeling” pasobra e edificio t’ey caba, ademas ta trahando ariba solucionnan pa e edificio cu tin 25 aña caba, cual awo ta di berdad mustrando e señalnan di maltrato na man di condicionnan climatologico fuerte. Sr. Dowers a comenta cu ta hopi dificil pa tene e edificio aki optimalmente manteni y esnan cu ta inspecta e edificionan di prison pa entre otro CPT generalmente no sa haya nan mes confronta cu prisonnan den areanan asina unda e clima ta hunga un rol asina grandi. E falta di mantencion y renobacion di e prison na Aruba a hunga un rol hopi grandi y ademas a conduci tambe cu KIA no ta cumpli cu normanan moderno pa loke ta trata e siguridad mas fuerte y sofistica cu ta rekeri awendia. Minister Dowers a bisa cu ademas di e situacion di infrastructura di KIA, e parti humano tanto pa e personal como pa e preso a conoce un descuido. Bao di e minister anterior a hasta pone personal na trabao cu no a pasa un screening manera mester ta y a laga e team di “beveiliging” baha te na mas of menos 6 trahado. Na e momentonan aki ta bezig pa train trahadonan nobo cu ya a sigui un screening riguroso pa por hisa e personal di siguridad bek na 30 y asina tambe ofrece e presonan miho tempo di recreo y “lucht”. E problemanan di KIA ta conoci y esunnan cu ta haciendo tanto beheit den prensa mester en realidad bay puntra den nan mesun ceno ta kiko a pasa, segun Minister Dowers, ya cu e inversion di “10 y tanto miyon” no a cay bao di su responsabilidad.

Trackback from your site.

Comments (1)

  • OTRO MENTIRA

    |

    BON SENJORES MINISTERNAN BOSO ATENDIENDO CU E MUCHANAN CU TA CANA DEN PUEBLO OF E ANALISTANAN POLITICO ,CON POR TA POSIBEL DEPUES DI CASI DOS ANJA I MEI DEN GOBIERNO TA TE AWOR BO KIER REALISA CU E LUGAR A WORDO HEREDA DEN UN SITUACION PREOCUPANTE HASTA BO COLEGA PARLAMENTARIA A SYBRAYA CU EYDENAN TIN APPEL PUTRI INCLUYENDO BOSO MESUN VOTADORNAN ,AWOR CU PAYBACK FAM AND FRIES TA PIO E LUGAR A BIRA TOCH ,USA BOSO COMMON SENSE !

    Reply

Leave a comment

*