No ta paso bo ta forma parti di e grupo kiermen cu bo ta participa automaticamente na Competencia Internacional

Presidente di e Comision Tecnico di COA, sr. Chu Halabi a amplia mas profundo riba e metanan cu COA lo kier logra cu e grupo reserva cual e grupo di deportistanan destaca di 11 pa 16 aña. Otrpo aña na October lo celebra e prome Weganan Sudamericano Hubenil na Lima, Peru. Esaki sigur lo ta un competencia sumamente importante pa e categoria hubenil cu COA ta identifica. Ta di remarca cu aunke bo ta forma parti di e grupo reserva no ta duna bo un derecho automatic pa e competencia internacional aki. Directiva di COA den coordinacion cu e Direccion Tecnico lo defini na e moemnto apropia e strategia di participacion na e Weganan Sudamericano Hubenil aki. Cada deporte a expone nan informacion durante e reunion aki. Algun deporte a remarca cu tin algun dificultadnan chikito den e proceso di entrenamento cual Comite Olympico lo atende cu esakinan pa asina purba na soluciona un que otro. Cada dos luna lo zorg pa reuni atrobe pa mantene e directive di COA na altura di tur desaroyo di e grupo reserva aki.