No por compronde e motibo di e asesinato ja cu e victima no tabata tin problema
Den un entrevista haci cu un amigo di e victima cual a wordo asesina diarazon marduga, sr. Algenis Turnbull, e ta conta nos cu e ta un hopi bon amigo di e victima Nico Toledo y no por caba di compronde kico por ta e origen di e asesinato aki ja cu segun e amigonan, Nico tabata un hoben keto, husto, deportista, sin problema, alegre y cu dedicacion pa cas y trabao. no tin un indicacion kico por a conduci na esaki. Manera cu amigonan a tende e noticia, a bay na su cas pa check si ta berdad y aki ta topa cu e cruel realidad. Nico tabata un persona hopi gusta den e caya y e bario completo den e tereno di deporte. E no tabata solamente un amigo sino cu den e bario nan ta considera otro como ruman y parti di famia y ta hopi duro pa acepta cu el a bay. Nunca a nota cu e tabata tin problema ya cu e tabata un persona hopi keto y trankil cual tabata semper di trabao pa cas y viceversa. Ningun amigo por a pensa cu e tabata tin problema paso nunca e no a bisa nada di problema. Prome pregunta cu amigonan a haci entre nan mes tabata: Nico tabata tin problema? A pone e pregunta aki riba facebook di cual tur hende ta contesta mescos, cu e tabata un persona sin problema y bon hende. E sentiment den bario sigur ta mixto, curazon kibra y alavez ta puntrando nan mes kico por a pasa y dicon. Pa e despedida ta pidi pa tur hende bin bisti na corra ya cu esaki ta e color favorito di e victima y su amistades sigur lo haci algo bunita pe pa locual ta trata su entiero. Esaki ta un occasion tristo pero lo desea pa keda recorde como un persona alegre cual e tabata sigur.
Trackback from your site.
Comments (5)
Crimen
| #
Si Turnbull ta su bon amigo, anto no wonder nan a tira e guy ki mata. Turnbull a bai sera pa tira atraco riba spot di loteria na cura cabai, so……..si nan ta amigo………dime con quien andas y te dire quien eras
Reply
democracia
| #
Mr Turnbullsh Ta poko dia ey ba tira atrako arma riba lugar di number na San Nicolas ? Ki mishi bo ta afo caba? mmm porta door cu bo ta den GARIO su Green team ? No tin Husticia na Aruba!!!!
Reply
bs
| #
No ta paso nan ta amigo nan ta meskoo “crimen” wa bon ki bo ta papia di un hende paso abo nota perfecto!!! Abo nosa e dolor cu su famia ta pasando aden! Min ta pidi malo pa hende pero spera uncos asina no pasaboo! Anto sibo ntin nada drechi bisa no comment nada hasimi un fabor
Reply
JV
| #
@Crimen; tbtin tanto caso den e site ki pa bo cmmnt dcn net e caso aki bo kier bin skirbi cos cu no ta bal la pena?? sooo…..no papia loke bo ta flush den banjo…aunq sorry berdad loke bo ta come naturalmente ta loke ta sali
… ta suficiente dolor caba tin pa bo bin cmmnt e cos ei thnxx;)
Reply
BeverlyV
| #
Nos tur tin suficiente dolor y rabia pa un hende ignorante bin comments un cos asina!! Famia y friends jen di dolor, un asesino canado rond y hende sin curason ta coment mane ‘Crime’!! Nico tbt un guy hopii stima tur caminda,pa su personalidad!! Nin hende por bin bisa awo cu e la merece esaki! Pensa un rato, prome cu comments cosnan cu a ta hasi famia y friends dolor!!
Reply