MEP TA PUNTRA CON A PARA CU RE-APERTURA DI VALERO? Y E TRAHADORNAN DI VALERO?
Ya ta un luna y mei cu e refineria Valero a sera su porta oficialmente. Promesanan di gobierno pa yuda trahadornan haya un otro trabow a keda lubida masha liher. Promesanan di gobierno pa purba habri e refineria bek, tambe parse a keda lubida. Nos tin un refineria para, cu poco poco ta birando un peliger pa e vecindario. Pero ningun hende ta papia di dje mas, con bin? 2009 Na anja 2009 Valero a anuncia cu e ta bai baha su planta, un ‘shut down’. Esaki debi na e desaroyo mundial cu ta pone cu e refineria no tabata duna ganashi. E tempo ey ningun trahado di Valero a perde trabow. Un grupo grandi di nan mester a bai cas, pero nan a sigi haya salario. Un otro grupo mester a traha varios warda, pa mantene e refineria ‘idle’. E tempo ey asina mes AVP a demonisa e situacion, y a pone tur hende sinti cu ta sera e refineria a sera. Mientras cu AVP tawata sa masha bon cu ta temporalmente a baha e planta. Pero pa manipula den campanja electoral 2009, a demonisa Nel Oduber y e gobierno di MEP. A bira tur cos pa tira culpa riba MEP. 2012 Na maart 2012 Valero a anuncia cu lo baha eplanta y na oktober 2012 a sera su portanan oficialmente. Pero awor AVP a bolter e storia atrobe, y no kier wordo responsabilisa. Pero e trahadornan si ta tene e gobierno di AVP responsabel. Na prome lugar pasobra Mike Eman y Mike de Meza a enganja e trahadornan, a tuma nan hasi. Tambe pasobra e trahadornan ta di opinion cu Mike Eman ni Mike de Meza a para na banda di trahadornan den nan lucha contra nan donjo di trabow. Y por ultimo debi cu Mike Eman no ta hasiendo suficiente pa por habri e refineria. Pero e grna pregunta ta, unda prensa a keda awo? Dicon na 2009 prensa a hunga e wega cu AVP, mientras cu e tempo ey e refineria no a sera? Dicon awpr cu el’a sera, prensa no ta hasi un trabow investigativo? Y nos pueblo, dicon awor cu AVP a sera e refineria, pueblo ta keto? Gobierno a priminti cu lo yuda trahadornan haya otro trabow, pero nan no a haya trabow ainda. Gobierno a priminti di lo baha e tarifa di belasting, pero nada ainda. Gobierno a priminti cu lo pidi banconan no baha riba e lumpsum manera warawara, pero nada di esaki a tuma lugar. Gobierno a priminti di lo hasi tur posibel pa habri e refineria, pero di esaki tampoco nada. Kiko ta mas pio, cu AVP a demonisa e shut down di Valero na 2009 pa manipula y gana eleccion? Of cu awor na anja 2012 ainda ta ganjando e trahadornan? Serca hopi hende na Aruba tin un miedo grandi pa expresa nan opinion. Tin un cultura di miedo cu por duna e percepcion cu pueblo ta keto. Pero e realidad ta cu pueblo no ta keto, y pueblo no tin miedo. Y esaki lo wordo expresa durante eleccion otro anja.
Trackback from your site.
Comments (2)
Avpista pa 27 anja
| #
Ami ta AVP pa 27 anja, contento cu nan a subi, pero poko poko nan a defraudami, ay no nan a lagami na caya. Nan a subi awa cu coriente y awo cu nan a bahe ainda e ta mas halto cu na 2009. Criminalidad, nan a horta den mi cas y nan a horta auto di mi yiu, lage pluma atras. Mi otro yiu tabata traha den Valero awo ta na cas y sin futuro na ARUBA si e Refineria no habri, e ta evaluando pa laga tur hende atras y bay traha den exterior,Ay noo mi Gobierno no a hasie mas esfuerzo pa habrie. E bendita caya grandi, e tram, ohmbo ki dia ey ma dal abao den caya, trompika na e rand di e klinkersnan, e TRAM no ta algo nesecario, tin otro prioridad, ami kier a mira un caya grandi cu mata bunita, cu klinkers bunita, pero cu un dak y cu restaurant, cu kraampjes pafo, cu musica, cu teras pa bo por sinta disfruta di un koffie y tende un musik di ARUBA, of steelband den background, anto asina coi rosea y sigi shop sin cu solo ta cachabo. No un tram un cos peligroso y grandi y asina caro. Bodyguard di Otmar y di Mike tur dos a hanja problema cu husticia. AYNOO, boso ta anda cu porkeria. BERGUENSA, CHOMON, mi amigo Chomon a hasi e prome pifia y te awe MIKE no a hala su atencion, segun ma compronde di su coleganan, ela keda cu e mesun auto D 348. Unda nos ta bay?? Y hopi mas cos nan a hasi cu mi a hanja dimas y despues di 27 anja awo si cu duele na mi curazon, mi no por vota pa mi partido mas. AYOOOOoo boso a bay atras, boso a defraudami y mi famia, ni mi yiunan ni mi casa sigur no lo vota pa boso. Un di mi yiunan ta bay vota pa prome biaha pa MEP despues di 11anja ta AVP, e ta cu Evelyn awo y e ta tresiendo Evelyn den ns famia berde. AMI ta bay pense bon prome mi vota. DANKI.
Reply
COLEBRA
| #
Caballero bo tin rason, pa locual Chomon a hasi e mester a bai cas “Opstaande voet” Pasobra unves cu e Minister a tolera esei kaba, ja bo por saca bo som bon bon tambe. Pasobra cu mi sa ora cu bo ta cu un auto di trabow, semper bo superiornan ta bisabo cu e autonan di trabow ta sigura pa trahadornan di compania so , i cu si bo duna algun hende lift den e autonan di trabow, ja bo sa. Si algo pasa abo mester cubri tur e gastonan di bo pasaheronan. Awor tokante di Valero mi abuelo a jega di bisami cu e americanonan di Lago a jega di bise cu Lago a bin pa 60 anja so. Anto despues cu e sera su portanan niun cu bin despues lo por bisa mescos cu nan tambe ta bin pa 60 anja. Kiermen cu si bo a busca un trabow den refineria ja bo mester por sa cu cualkier momento cu tin problema cu Crudo, e refineria lo por sera su portanan. Awor mi ta pensa cu kada ken mester sa si e kier gamble su suerte den e refineria. I keremi ami nunca un vota pa AVP. Semper ami a vota pa PPA
Reply