MEP SI TABATA INFORMA POLITICONAN HULANDES DI E SITUACION FINANCIERO DI ARUBA ESEY TA TRANSPARENCIA!

Hopi ta esnan cu a keda sorprendi na momento cu politiconan hulandes den reunion di Tweede Kamer siman pasa a duna e impresion cu nan no ta mucho bon na altura di e situacion financiero na nos pais. Politiconan hulandes tabata hopi critico riba e isla di Curacao, e gobierno anterior, y nan no a sconde esaki. Parse cu nan ta bon na altura di kiko ta pasa na Curacao, pero no na Aruba.

Pa loke ta Aruba mi ta poco decepciona cu e pregunta y contestacionnan por a duna e impresion cu politiconan na Hulanda no ta na altura di e situacion berdadero na Aruba, di e sufrimento di nos pueblo, di e decisionnan descabeya di e gobierno. Y di e debacle financiero di nos pais.

Esaki ta prueba con intransparente e gobierno aki ta, pasobra ex Minister di finansas Nilo Swaen si tabata raprto regularmente na Hulanda pa cu e situacion financiero di nos pais. Esey ta demostra cu e tempo ey si tabata tin transparencia entre gobierno di Aruba y gobierno di Hulanda. Y awor ta obvio cu e minister actual Mike de Meza no ta asina transparente manera MEP di tabata.

Lider di MEP a splica, “Ami mes a informa Minister Spies, y lider di nos fraccion tambe a informa tur demas lidernan di fraccion hulandes. Nos ta hasi nos trabow pa raporta regularmente via instancianan di gobierno Hulandes y representacion di Reino.

Nos a bai Hulanda na December, y na januari durante reunionnan di contacto interparlamentario nos a bolbe toca e tema nan ey. Awor berdad e momento a yega pa bai Hulanda y sinta papia cu e politiconan hulandes. Nos no kier pa nan mete den nos asuntonan, pero ta un berguensa cu un pais asina desaroya manera Hulanda, su representantenan di pueblo ta mal informa y asina ta duna mal informacion tambe. Pesey nos ta bai pa informa nan”, lider di MEP a duna di conose.