Mensahe di fin di anja di mr. Juan Ady Thijsen
Mensahe di mr. Juan Ady Thijsen: Otro anja a cera cu e Gabinete Cosmopolitan di Mike Eman na mando, pero nos ta drenta recta final pa cambio na caminda pa un bida mas digno na nos pais. Segun Parlamentario mr. Juan Ady Thijsen a yega otro fin di anja y pa di tres biaha nos pais ta sera e anja cu un Gobierno Cosmopolitan di Mike Eman na mando. Mas cu 1000 dia a transcuri desde cu Gabinete Eman a hasi su entrada na Bestuurskantoor. Cu hopi promesa y fanfaria a cuminsa un gobernacion nobo bou guia di Prome Ministro sr Mike Eman.Un mandatario hoben sin experiencia, sin experiencia ehecutivo, sin experiencia di por maneha un departamento of negoshi a tuma e timon over di e barco cu yama Aruba y a cuminsa navega. Awe 3 anja despues e pueblo cu a dune e beneficio di duda, awor ya no tin duda mas.No a cumpli cu promesanan. Awendia ainda ta existi BBO mientras den campanja a priminti di elimine completo. Awendia e poder di compras a bira menos, hopi menos mientras a priminti cu esaki lo a crece. Criminalidad, di cual a ser bisa di tin un plan, ta mas pio cu nunca den historia. Gabinete Eman, un partido neo-liberal, kier a bisti e bachi social democrata, pa ganja pueblo cu nan lo traha pa e pueblo pero na final di cuenta nan a traha pa nan mes. Dialogo Social na final di cuenta a bira un otro forma di trece medida y asina a logra subi aov /aww, a subi azv y a subi grondbelasting drastico. A subi roomtax y a subi accijnzen y invoerrechten , a introduci impuestonan nobo riba turista manera flytax, gobierno a mishi asina cu turismo y anja a sera cu gobierno hungando cu pan di hopi.Ya caba e pais ta economicamente debil cu cierre di Valero y hopi tata di famia riba caya y gobierno no tin solucion real. E solucion di Mike Eman pa cu e problemanan economico di Aruba ta yama cosmetica y asina kier hasi facelift tur caminda. Cu e patch-up policy tur atencion a bay na infrastructura. Proyectonan cu no ta caba na tempo, mal planea, cu ta costa hopi y di mal calidad.E maneho di cosmetica tambe a ser hiba den barrionan cu verfmento di algun cas y laga mayoria di cas un banda. Sr Eman ta papia tur dia di green pero e unico cos green cu e tin ta e color di su partido. Hopi placa di pueblo via Utilities a bay pa paga forumnan, paga Al Gore, Wubbo Ockels pero no a trece ningun resultado. Al final despues di 3 anja nos por conclui cu Gabinete Eman no tin niun logro, no a trece ningun resultado positivo y pueblo a perde confiansa den e gobierno aki.Tur indicadornan riba tereno economico ta mustra cu nos economia ta stanca unda pueblo no tin e poder di compra y e commerciante no ta bendiendo y mas ta serando nan negoshi. Menos kerstboom y clapchi bendi cu nunca. Nos situacion financiero a bira instabil y nos deficit y debe nacional ta creciendo na margennan inacceptabel segun normanan Internacional. Manera na Hulanda a bisa Sr Eman cu Aruba su “ economische groei ta basa ariba schuldengroei”. Awor Sr Eman ta wardando Hulanda bin bail nos out pa asina nos entrega nos autonomia na Hulanda.Esaki ta e situacion berdadero cu nos pais tin cu enfrenta unda nos pueblo no por goza mas di seguridad y tin cu biba cu atraco a bira normal den nos bida diario.Un ministro di Husticia cu a laga nos trankilidad bay perdi,un ministro di economia cu a laga nos prosperidad bay perdi. E Pueblo ta sclama. E Pueblo ta yora y esaki tin un solo culpabel Prome ministro sr Mike Eman. Nos pueblo no por mas y Aruba su futuro ta den peliger cada dia cu Sr Eman ta Prome ministro. Loke tabata dimes a bira dimas.Aki na Aruba nos tin dimas coordinadornan, dimas contract nan lucrativo, dimas debe nacional, dimas deficit, dimas prijs nan halto di awa y corriente , dimas desempleo y hasta dimas klinkers cu no ta restando nada di nos naturalesa. Segun Parlamentario mr. Juan Ady Thijsen, Abraham Lincolna a bisa “ America will never be destroyed from the outside. If we falter and lose our freedoms, it will be because we destroyed ourselves.” Esey ta conta pa Aruba tambe” Aruba no lo ser distrui for di pafor. Si nos faya y perde nos libertad ta pasobra nos mes a distruye.” mr. Juan Ady Thijsen den nomber di su famia, sostenedornan y campanjadornan ta spera cu un y tur pasa un bon anja, sperando cu nos ta drenta recta final na caminda pa un bida digno pa un y tur.
Trackback from your site.
Comments (8)
efigenio croes
| #
conjo caramba, ayera si como mepista, ora ma bai bishita mi famia cu tawata mep traha, a bisami, cu mep a caba cu nan i pa nan. semper a bringa pa mep, mep tawata nan corazon. pero awor mirando con avp ta trahando, mirando con aruba ta cambiando cada dia, i mira con mep durante 8 anja, a lubida e pueblo i aruba su desaroyo, i perjudica hopi famia, nan a dicdi diarason cu a pasa ey. di laga mep. i a duna hopi punto cu mi ta eens cu nan tambe. despues a jega un otro hende di nos, cu ta den directiva mep, ta bisa, cu mep tin problema serio, no por haya candidato drechi. ta busca pero no ta haya. e la bisa, cu e la papia cu eddie briesen, i eddie a bise,, cu e no kier bai mas i politico a caba pe.pero evelyn ta insisti pa pone riba lista, pero si nan pone mes, e no lo bishita ningun cas, i si e haya voto of no, no ta interese, politica a caba pe. ma tende tambe di tevreden, cu tampoco no ta bai mas riba lista, pasobra tur su hendenan a bai lague cu otmar. e problema mayor ta, famia croes, no mester a pone evelyn como lider, su tata ta hasi danjo na partido semper, i awor cu evelyn ta crea mas duda i miedo den votadornan di mep. edmond tambe cu su gritonan di locura, tambe ta hasiendo danjo na imagen di partido, mirando cu e caso di lotto sigur no ta over ainda. mi no sa, mi mes a keda sin aliento ayera na cas di mi primanan, na unda semper na savaneta e prome bandera di mep cu subi promer cu campanja ta na nan cas, ia awor nos lo bai mira esun di avp. mi mes ta confundi awor. pasobra tanto nel glenson edmond ta keda skirbi kaka riba facebook, cu no ta contribui na drecha imagen di partido mep. ady cu tawata mi candidato e ultimo 3 elecionnan ma perde confiansa den dje. pa ken awor?????????????? cris romero, pasobra ami si kier keda mep ainda, ainda, pero mep mester mustra liderazgo, cambio di mentalidad i bin cu bon lista. no e mesun bieunan atrobe cu ta esunnan cu a pone nos perde ultimo
Reply
OBSERVADOR ORIGINAL
| #
OBSERVADOR TA UNO ORIGINAL TIN. MI TA DESEA HENTER PUEBLO DI ARUBA U FELIZ ANJA 2013. ARUBA PABIEN CU BON ESCOHENCIA DI UN GOBIERNO TREMENDO TRAHANDO DEN TUR SKINA…ESAKI TA SEMBRA BO VOTO BON Y WAK ARUBA AWE, PROGRESO TUR CAMINDA, DEN TUR TERENO. ESNAN CU TA KEHA COS TA MALO, TA PASOBRA BO MES KE, TIN TRABOW, PLAKA, ECONOMIA TA DRAAI BON, CONSTRUCCION, FELICIDAD DEN PUEBLO. HOPI TRABOW HASI CABA, PERO FALTA MUCHO MAS. E ANJA AKI ARUBA LO WORDO BENDISHONA UN BIAHA MAS CU UN GOBIERNO DYNAMICO , ELECCION PRONTO PA 15 AVP TA BAI.,…PASOBRA E RECUERDONAN AMARGO DI GOBIERNACION ANTERIOR DI MEP , NO POR WORDO LUBIDA HAMAS, Y NUNCA MAS E ABUSADORNAN FRIENDS AND FAMILY LO BIN ABUSA ATROBE, E LISTA DI MAL RECUERDOS TA MUCHO LARGO, Y DANKI NA NAN MES A CABA CU MEP, CU AWE NOS TIN UN ARUBA DEN PROGRESO CONSTANTE, DANKI MEPISTANAN PA CABA CU E ABUSO DI PODER AKI Y AINDA BOSO POR JOIN E WINNING TEAM DI AVP Y ARUBA…NUNCA TA LAAT. BON Y FELIZ ANJA 2013.
Reply
MASHABERDAD
| #
Efigenio, Bon Anja 2013, bo tin tur razon, ta duro pa para mira con un partido Grandi di Betico a para caba na nada, paso nan mes hendenan a caba y e partido aki. Un Nel cu a core cu tur votegetters, pa pone un hende cu 3 anja den politica como lider, hopi tristo, Orden di Papa ?
Eddy bai of keda, ta mescos. Mep lo no hanja hende drechi riba su lista, paso tur hende conocenan caba, peor awor cu nan ta promove marijuana, independencia di Aruba nan ke, nan ke bira lomba pa Hulanda,,,,,pa nan so ke bin na poder anto keda pa semper, manera chavez of fidel….Awe nos por mira con BON AVP ta trahando pa Aruba den tur skina, cordando riba e HENDE tambe. Betico tin razon e pueblo di Aruba ta inteligente,…ta un grupito a caba cu mep y Aruba sa e storia…BOSO A MIRA CUANTO VUURWERK A WORDO TIRA, INCREIBEL, ESAKI TA MUSTRA E FELICIDAD, PROGRESO CU TIN, Y TA BIBA DEN PUEBLO….Pabien na full bo famia Efigenio, BON ANJA 2013 CU HOPI BENDISHON.
Reply
Luigi
| #
bon anja na henter pueblo di aruba i di tur color i di tur rasa. nos por a skucha di hopi comerciante, cu anja 2012 a bai tremendamente bon pa nan negoshinan incluyendo donjo di top fm i su negoshinan, marriott hotel cu pagara di 12 miyon tiro, pasobra nan hotel a bai superbon, renaissance a bai superbon i lo bai inverti riba 20 miyon dollars, pa drecha su camber i su infrastructura pa motibo cu gobierno ta inverti pa mehora centro cuidad di un chollertown of city cu partido mep a lague na 2009 como un ghosttown pa un centro comercial sumanente bunita atractivo, i na unda tur comerciante den centro cuidad ta comprometi pa drecha nan edficionan, trabao na cantidad. plaka na cantidad. den 3 dia, 2 miyonario di loteria na aruba. kiko mas nos kier?????????????? e tram tawata jena cu joven i adulto. abo ta jama e hendenan ey choller. ki dia boso ta stop di insulta boso propio arubianonan???? wak e alcoholiconan cu tur dia ta sinta bebe rum i nightrain na cede di mep mujer i homber borache, cu no ta hasi nada otro pa bida, sinta hunga domino i bebe berum i nighttrain. cos ta malo berdad, pero pe famianan cu a horta i probecha di e pais aki pa 8 anja, pero pa pueblo en general cos ta mihor. cana rond boso lomira, cos ta malo pe abusadornan cu a fiesta cu huur i lotto. pa nan cos ta malo, kranchi a sera pa semper, pueblo no kier mira e abusonan ey mas
Reply
N I C O
| #
@ LUIGI TA SKIRBI KK BAI FLIET OM , TIN HOPI POBRESA NA ARUBA CU A BIRA PEOR DESDE 2009 DANKI NA AVP CU NAN MALO PEOR PA GOBERNACION NA ARUBA I NA MUNDO OM AVP TIN BO BLIND CU NAN SHOWNAN , GANJAMENTONAN , PICTURES NAN PA TAPA BO CARA PA NO WAK E BERDADERO FRACASO DI DEFICIT CATASTROFICO CU TA NOS YIUNAN I PUEBLO DI ARUBA MESTER BAI PAGA BEK VIA MEDIDANAN , AVP A PRIMINTIE CAMBIO ASINA TA AINDA AVP NO POR CUMPLI PASADO TA KEDA PASADO STOP DI WAK KIKO MEP A HASI WAK KIKO AVP POR HASI AINDA DEN NAN ULTIMO ROSEA DI GOBERNACION !
Reply
JUANCHO
| #
Luigi bo tin tur razon. Berdad ta hasi dolor. Un Mep cu no tin hende mas, ni candidato drechi, ni votador..Nos pueblo inteligente no ke mira e abusadornan aki hamas den poder, tur hende ta corda nan forma di goberna, tuma medida riba pueblo, ta Mep a inventa Brandstofclausule antes, recien BBO, Hisa tur invoerrechten, asina mi por sigi…pa no papia mes di e contractnan di huur di edificionan, cu asina AVP a sinta a kita tur.
Reply
manuela
| #
Lotto. Lotto, tuuut tuuuut tuuut esun cu a kere cu e caso di lotto gate lo a bai den olvido, ta grandamente ekiboca. e ladronicia aki, apesar di tur manipulacion door di investigadornan abogadonan etc, lo bai mira luz di dia. algun ladron di lotto lo bai sera. abusadornan di plaka di nos deportistanan no por keda inpugne.
Reply
Blind
| #
juancho cu manuela ta bow VOODOO ta pasado nan ker cada wak , 3 anja caba tur cos a bira peor om UNDA cambio a keda ? Comerciantenan sponsernan di avp so a bai dilanti cu 400 coordinadornan anto PUEBLO din miseria tur fin di luna na unda PLACA no ta alcansa pa BIBA cu gastonan !
Reply