Man of the Year 2012: Abogado Anthony Ruiz

(Solo di Pueblo) Abogado Ruiz unanimamente ta wordo premia pa nos medionan como MAN OF
THE YEAR 2012 Ken no conoce e nomber aki na Aruba?!
Señor Anthony Ruiz a bira e simbolo di e lucha hudicial contra
persecusion politico na Aruba.
Si mester djis bay sinta conta y analisa tur e casonan cu abogado Ruiz
a bringa contra persecusion politico di hopi hende, kendenan a bira
victima di e gobierno di AVP e aña aki so anto e resultado ta
espantoso.
Ta poco abogado tin e curashi y e determinacion pa bringa casonan
contra un gobierno cu a tuma e posicion di ta Omni Potente; ningun
hende por bisa y haci nada contra tur loke cu gobierno di AVP ta haci
y deshaci cune!
Esey tabata e posicion y e pensamento di e gobierno di AVP pero nan a
haya un cabay di bataya riba nan caminda y te awe e cabay di bataya
aki no a sucumbi pa un bataya y tur Guerra contra persecusion
politico; el a sa di gana tur anto sublimemente.
Abogado Ruiz normalmente pa añanan largo tabata conoci como un persona
basta trankil den su linea di trabao y hopi calmo ora cu e ta trata su
casonan den Corte.
Pero e tambe como hende y sigur como cuidadano di pais Aruba, kende a
biba den carni y weso e peresecusion cu tur su clientenan tabata pasa
aden, na un dado momento a pone bira mas determina cu nunca ora cu e
mester a bringa pa su clientenan y contra inhusticia.
E ultimo caso di señorita Hengeveld a pone cu abogado Ruiz tabata
masha fel mes den sala di Corte y el a bay por la goma cu e caso y e
resultado tabata positivo pa su cliente pasobra hues mes a bin wak y
realisa cu loke e gobierno tabata haci contra e dama aki tabata nada
otro cu persecusion, aunke cu hues no a bisa esaki literalmente den su
sentencia pero e resultado final tabata papia pa su mes.
Abogado Ruiz a traha riba diferente caso cu tabata tin di haci cu
Lotto pa Deporte y ta tras di otro e tabata gana e casonan y esaki ta
un logro hopi grandi pasobra pa bo bringa contra henter un aparato
gubernamental no ta facil y sigur si gobierno a bin ta aplica e modus
operandi di influencia y manipula hende y opinion publico contra tur
nan victimanan den e persecusion di Lotto pa Deporte.
Aki ta djis sigui un recorte sumario di algun caso cu abogado Ruiz a
atende cu exito rotundo;

1) A pone Mike Eman rectifica su disparatenan contra Lider di MEP y
Eduard Croes.
2) A pone Melvin Tromp rectifica contra Edmond Croes
3) A pone Clasrisca Rectifica contra Herve Ruiz
4) A pone Mike de Meza accepta loli awa, y cu a ganja Parlamento, assets/income!

5) A clear nomber di Edmond Croes cu husticia
6) A gana caso penal pa Endy Croes, unda 3 huez a elimina acusacionnan
di ministerio publico.

7) A gana varios caso contra Lotto pa varios cliente incluso casonan
di Edmond Croes vs lotto

8) A gana caso pa John’s Pizza, cuminda na KIA

9) A gana caso pa taxistanan luchando pa permiso

10) A Gana caso pa Sharleen Hengeveld cu para su retiro na Lotto

11) A pone Mike Eman registra su mes na adres corecto, na su suite
lujoso na Marisol Building.
Enfin abogado Ruiz merecidamente ta haya e reconosimento di ta e
Homber di Aña 2012!
Pabien!!