Lo tin cambionan den trafico relaciona cu e tram

Sr. Ricardo Muller ta comenta cu lo tin cambionan den trafico relaciona cu e tram pero e reglanan mester wordo bon studia prome cu por introduci esakinan. Esaki ta e motibo cu no a keda cla na tempo prome cu e tram cuminsa core. A cuminsa reuni algun aña atras den comision di trafico y e departamento concerni di Gobierno pa locual ta trata e reglanan di trafico pa cu e tram. Motibo pakico esaki a tarda ta paso cu nos no ta familiar cu un tram na Aruba pues mester a studia un que otro detayenan hopi bon pa bin cu reglanan pa evita accidentenan cu e tram. Den e ley di trafico mester inclui tambe un tipo di lus di trafico cu nos no ta custumbra cune normalmente como tambe mester pone cierto borchinan. Postenan di lus ta hopi mas abao di cual a bay bek destaho publico como cu e prome a bay malo. Algo sigur ta bon pa pueblo tene cuenta cune ta cu e tram semper tin preferencia riba trafico riba su ruta pa es motibo ey, e biahanan cu e tram a core, semper tabata tin polisnan presente pa asina controla e trafico. Na luna di January e tram lo por cuminsa core ora cu e ley ta cla como tambe e borchi y lusnan mester ta poni mientras cu e concepto di ley “spoorwegen verordening” ta cla y ta na Raad van Advies. No ta conoci ainda si e reglanan di trafico lo pasa parlamento ja cu si e pasa den e landsverordening lo e mester bay parlamento.