Lo ta bon pa bin cu mas keurings lokaal

Durante e conferencia semanal di PDR, sr. Andin Bikker ta comenta cu den su forma di pensa, lo ta mihor pa traha un lugar mas pa keur auto ja cu esun actual no tin mucho espacio. Gobierno mester introduci mas keurings lokaal. Tin mas di dos mil persona cu ta wardando pa nan autonan wordo gekeurd. Keurings lokaal no tin mas lugar pa keur auto pa e aña aki. Mientras tanto e control di trafico ta sigui. Un maneho responsabel proporcional mester aplica cu si un persona por presenta cu e tin un carta cu un cita ki dia e ta bay keur su auto manera cu aña habri, lo nan por despense pa esaki si acaso e auto no ta mustra di tanto gravedad. Pero di otro banda mester bay bek na e sistema cu antes tabata tin keuringslokaal na Sanicolas, Santa Cruz, Noord y Oranjestad. Actualmente tin un keurings lokaal so. Ta incomprendibel pakico mester keda cu un keurings lokaal so. Si amplia esaki cu atleast un of dos mas, esaki lo facilita e keuring nan y e personanan mas facil nan por atende nan mes cu e obligacion aki cu ley ta prescirbi. Ta bon pa gobierno duna atencion na esaki. Si por ripara actualmente, tur e keuring nan aki ta sumanan cuantioso ta drenta den caha di gobierno anto lo ta ideal pa gobierno inverti den ekiponan necesario pa amplia e servicio. Si acaso ta e machinenan ta e problema anto ta mas cu logico cu gobierno mester inverti den esakinan paso na final di dia e entrada ta bay bek den caha di gobierno. Den concepto di sr. Bikker, e machinenan cu tin actualmente no ta rocket science. Antes tabata tin 4 keuringslokaal y no ta mira niun motibo pakico mester mantene awor na un keuringslokaal so, segun sr. Andin Bikker.