Lo mester por duna mas oportunidad pa muchanan por drenta un Universidad

Durante un conferencia di prensa semanal di PDR, sr. Andin Bikker ta comenta cu e ta agradecido na ATIA pa cu e evento di e debate cual PDR ta haya hopi importante ja cu esaki ta mustra cu polticonan por sinta hunto y drecha un pais cual pa es motibo ey PDR a papia riba su temanan pa e proximo gobernacion. E temanan cu a wordo atendi e anochi aki tabata educacion, economia y finanzas publico. PDR a trece su puntonan concreto manera semper. Papiando riba educacion a bin cu solucionnan concreto cu tabata den e programa di partido tambe manera e.o a promove pa bin cu un summer school. Esaki ta cu ora bo yiu pa un of otro motibo net net e no por a bay over, segun PDR no ta haya cu lo mester bay pasa full un aña atrobe pa hiba e mucha aki school den mesun klas. Kizas mester yega na investiga na un tipo di school den vakantie grandi cu e ta pasa e vaknan cu kizas e ta zwak den dje ja pa ora e aña escolar habri, e ta bay over toch y asina ey e ta spaar e mayornan hopi esfuerzo y placa. E mucha kizas ta wordo mihor motiva y pais Aruba ta Sali mihor beneficia paso ta esforza nos futuro generacion pa locual ta trata enseñansa. PDR a constata cu door cu a hereda un sistema cu na 11 pa 12 aña caba bo ta wordo basicamente predestina kico kizas ta e profesion cu lo bo bay haci den futuro, caminda cu na otro paisnan rond di nos Merca y Latino America nan no tin e distincionnan necesariamente di e MAVO, HAVO, VWO. Algo cu nos a hereda pero na e otro paisnan rond di nos, bo ta mira cu ta un SAT-Test bo ta pasa or abo cab abo High School y eynan bo tin bo oportunidad pa drenta Universidad. Mester bay wak con ta bay soluciona esaki cu nos por stimula mas Staats-Examen cu ta un tipo di examen cu ta duna bo e oportunidad cu bo por haya oportunidad toch pa bo por drenta Universidad. Si nos basa nos mes cu nos kier un economia di conocemento anto e ora nos mester realiza ki sistema nos tin y purba drecha esaki na caminda. Esaki pa motibo cu tin hopi hende cu tin e capacidad pa drenta Universidad pero door di e sistema cu nos tin aki, hopi biaha kizas obstaculonan ta bin cu nan ta wak cu nan mester bay haci asina tanto aña pa nan yega na un nivel di school cu nan lo por drenta Universidad anto lo mester wak con lo por balansa e sistema cu nos tin y duna mas tanto persona posibel e oportunidad toch, pa esnan cu kier pa nan por drenta un Universidad, segun sr. Andin Bikker.