Lo kier sa for di minister kico ta e update di ultimo desaroyonan di e companianan estatal

Segun nos a compronde for di sr. Andin Bikker cu den e comision cu e ta presidi cu ta e comision cu e ta supervisa of atende cu companianan estatal manera WEB, ELMAR, ARUBUS, APA y tambe SERLIMAR ta bay tin cierto reunionnan pendiente e.o. cu Arubus riba e introduccion di Smart Card paso a haya peticion di diferente miembro di parlamento y tambe di pueblo cu nan ta expresa cierto preocupacionnan cu tin cosnan cu a bay na un manera no desea y PDR kier sa di Arubus mes specificamente con e introduccion a bay, kico kizas ta e preocupacionnan cu tin ey for te ainda y kico nan ta haciendo pa remedia esaki. Ta bay wak e ora a base di e reunion ey, miembronan di parlamento cu a pidi pa e reunion aki lo por haci preguntanan di e preocupacionnan den pueblo ja cu ta representante di pueblo nan ta. E di dos reunion pendiente ta esun cu trahadornan di Serlimar y tambe e minister encarga cu infrastructura, den e caso aki e dump na Parkietenbos paso prome cu recess di Zomer caba a tene un reunion cu e actornan aki dus e minister cu nan trahadornan y sindicato. PDR kier haya un follow up paso tin diferente preocupacion di e trahadornan e.o. cu ainda tin di nan cu mester presenta na trabao pero no ta haya trabao pa haci manera debe ser. Tambe tin cierto otro desaroyonan cu a wordo trece na atencion di fraccion di PDR cu ta propicio pa tene un reunion cu e minister pa duna un update di e ultimo desaroyo y di su plannan pa loke ta trata e material aki, segun sr. Andin Bikker lider di Partido Democracia Real.