Lastimamente riba nos dushi isla Aruba tambe tin ciudadanonan (den nos comunidad) cu desafortunadamente tin menos recurso

Aruba Lions Club (ALC) funda na september 1947 y cu a hanja su status legal dia 31 januari 1948, ta dedica su mes desde su comienso na juda esnan den mas necesidad den nos comunidad cu e aporte grandi di nos mes un hendenan.

Na tur parti di mundo y lastimamente riba nos dushi isla Aruba tambe tin ciudadanonan (den nos comunidad) cu desafortunadamente tin menos recurso compara cu otronan, y cu tin mester ayudo di su comunidad pa por tin un mihor porvenir.

Pa por sigui juda eficientemente nos mester ta creativo pa bin cu mas actividad grandi pa por recauda fondo adicional banda di nos rifa anual di cas pa 56 anja consecutivo. Esaki tabata y ta posibel solamente cu e sosten grandioso di nos comunidad di Aruba.

Aruba Lions cu bista riba esaki cuminsando for di anja 2008 a opta pa organisa anualmente un baile exclusivo riba dia di la Reina. Mirando e apoyo inmenso cu nos a hanja di nos comunidad desde e prome biaha, tanto pa recaudacion di fondo como tambe pa participantenan na e “Oranjebal” e ultimo anjanan, Aruba Lions a keda motiva pa sigi organisa e evento magistral aki.

“Oranjebal 2012” ta dia 30 di april cuminsando for di 9:00 pm y terminando pa 02:00am. Bandanan cu lo bai haci e fiesta aki inolvidabel lo ta Claudius & OREO y Robert y su Solo Banda Show na Renaissance Convention Center.

Nos ta hasi un jamada na nos comunidad en general y en particular na amantenan di bon baile, pa bin gosa di un anochi super ameno, y lo mas importante, contribui na bienestar di esnan rond di nos den necesidad, cu dos banda grandi di Aruba pa nos por gosa, waya, pasa bon te hanja bolombonchi.

Donacion pa entrada ta Afl. 350,00 pa pareha y ta inclui un bon fiesta, open premium bar, open dinner buffet y fabuloso doorprize