Kooyman cu tremendo Song Festival diadomingo awor

Durante un conferencia di prensa, sra. Jelisse Boekhoudt a anuncia e cantantenan pa locual ta trata e song festival di Kooyman cu lo bay tuma lugar dia 4 di November venidero. Gradicimento special pa e sponsornan cu ta Diva Nails, CD & More, Backstage, Tiara Air, Balashi, Wema, Trash by Ronchi, The Mill Resort y naturalmente Kooyman Mega Store. Pa e anochi aki lo tin dos seccion di cantante cu lo ta categoria A y B. Pa ambos categoria tin dies participante. Un y tur ta mas cu bon bini pa apoya tur e cantantenan cu lo haci nan best e anochi aki. Esaki lo ta e prome song festival di Kooyman Mega Store cu lo tuma lugar diadomingo 4 di November 2012. Esaki lo cuminsa pa exactamente 6’or di atardi. E song festival aki no ta solamente di empleadonan di Kooyman sino cu tin tambe di Wema y juffrouw di school dus den otro palabra hopi participante pa haci e anochi aki uno placentero. PKB ta un organisacion di Kooyman cu ta zorg pa organisa eventonan pa Kooyman. Carchinan ta obtenibel serca tur participante como tambe na Kooyman Mega Store pa solamente 15 florin cual tambe lo ta obtenibel na porta.