Hopi turista a wordo horta na beach

PALM BEACH— Hefe di Polisnan di Strand, ta manda patruya diadomingo durante dia difirente biaha den bisindario di hotelnan pa un ladronisia. Na yegada polisnan ta papia cu e homber J.E.P. naci na Estados Unidos di 33 aña, kende ta bisa polis e kier a duna keho di ladronisia di su tas di strand cu a wordo horta bou di un palapa riba beach. Segun su declaracion el a bay un rato baño y ora cu el a bolbe el mira cu desconoci a bay cu su tas. Den e tas e tabatin un Visa Check card y un Visa credit card di Navy Federal Credit Union. Yabi di un jeep, un estuchi di bril Gucci den cual tabatin 100 florin, rijbewijs di dje y di su casa. E mesun dia pa 11.10, durante cu polis tabata atende e ladronisia di tas, un otro turista a acerca nan y a bisa cu e kier duna keho di ladronisia di su tas di strand. E homber A.B. naci na Estados Unidos, di 52 aña, ta bisa polis cu e kier duna keho di ladronisia di su tas marca Michael Kors, un tas blou cu flor blanco. Den e tas tabatin dos bril di solo di damas, un short preto Adidas, un Victoria Secret beach coverop, un T-shirt cu manga cortico, un paki di sigaria Marlboro cu lighter, petji di emarta Tommy Bahamas, y dos yabi di camber. Diadomingo 12.40, polis ta bay na un highrise hotel pa un ladronisia di tas. Na yegada polis ta papia cu e muhe L.L.P. naci na Venezuela di 45 aña, kende ta bisa polis cu 10.30, el a bay strand dilanti Raddisson cu su yiu homber y el a bay landa cu su yiu. Ela pone e tas bou di un palapa. Despues di dies minuut cu nan a bolbe e tas a disparce. Den e tas e tabatin su celular, creditcard, tarheta di identificacion, camara digital y 100 Dollar. Polis a tuma su keho.. Banda di 2 or di merdia polis di Strand a bolbe bay na un highrise hotel, naunda ladronnan a bay cu un otro tas di turista. Na e sitio polis ta papia cu e denunciante M.S. di 56 aña naci na Estados Unidos, kende ta bisa cu riba beach, ladron a bay cu su tas. Polis a tuma keho di tur e turistanan perhudica. Sent from my BlackBerry