Homber ta purba pone fin na su bida na Costa Norte

Diamars mainta na momento cu melding ta drenta di un caso na Caya Frere Johannes , un otro caso parecido ta sosode na e area di Andicuri.

Polis di Sta Cruz hunto cu Recherche a sali pa e sitio aki , caminda un hende homber lo a of kier pone fin na su bida.

Helicopter y Personal di Ambulance tambe a presenta na e sitio.

E homber aki un persona cu ja ta conoci di Hospitaal pa un of otro motibo lo a kier a mata su curpa y ta bebe un cantidad di pilder.

E no tabata mustra di ta na tino ora nan a hanje , ela ser faha y lora den un algo color blauw , probablemente pa su seguridad y di otro nan , mirando cu e mester bay den e Helicopter.

E homber aki aparentemente lo a cana full e caminda den sero nan pa jega te canto di baranca pa haci loke ela haci.

Dus ariba diamars , dos persona ta purba pone fin na nan bida un senjora y cabayero , un a logra y e otro no.