Hoben ta keda seriamente herida na cabes ora auto ta dal e ariba su Bicicleta

Diahuebs atardi despues di 5'or ta sosode un accidente serio na crusada di Paradera pa Jaburibari. Un hoben ariba su bicicleta ta ser alcansa pa un Nissan Sentra biniendo di pariba. Segun chauffeur di Sentra ela haci tur su posibel pa evita e impacto, pero ta lastra den e tera y dal e hoben. E hoben lo a subi e crusada aki sin pone calcula distancia di e Sentra.
Ambulance ta ser pidi cu urgencia y ta jega y cuminsa na stabilisa e hoben cu ta seriamente herida. Mayornan di e hoben tambe ta jega na e sitio y ta keda den shock mirando e estado di nan jiu. Polis di trafico tambe ta jega y mes ora mirando e gravedad ta sera e area pa asina cuminsa cu un investigacion.
Ambulance ta transporta e hoben cu urgencia pa Hospitaal.