Grupo ta certifica den “Self Hypnosis”

ORANJESTAD, Aruba – 18 di maart 2012: Recientemente un grupo di 18 persona a participa y a certifica den e curso “Mastering the Art of Self Hypnosis” presenta door di Aruba Hypnosis Center NV. Ora cu menciona hipnosis hopi biaha tin diferente

style=”text-align: left;” align=”center”> pensamento eroneo di kico hipnosis ta y durante di e curso cu a dura dos dia esunnan cu a participa a comprende cu hipnosis ta un estado natural cu tur hende por siña y cu ta permiti pa haci cambionan positivo den bo bida. Hipnotismo probablemente ta mes bieu cu humanidad. Storianan bieu y pensamento eroneo di hipnotismo a wordo reemplasa pa aplicacionnan cientifico proba. Awendia hipnotismo ta wordo uza den diferente ramo incluyendo: medicina, odontologia, husticia, deporte profesional y educacion.

E programa di dos dia a wordo presenta door di Eddy Oduber cu ta un Instructor Certifica door di e organisacion di Hipnosis mas grandi na mundo. Durante e dos dia esunnan cu a participa a siña entre otro kico ta hipnosis, con hipnosis ta sinti, kico ta e diferencia entre hipnosis y “self-hypnosis”, kico ta berdad di e storianan cu ta bay rond ariba hipnosis, con pa haci “self-hypnosis”, con “self-hypnosis” por yuda bo logra bo metanan, con bo por controla stress y mucho mas.

Esunnan cu a participa na e curso a reacciona sumamente positivo. Un di e participantenan: Lenny Geervliet a comenta: “mi a enjoy e curso hopi, e teoria ta duidelijk y loke mi a siña ta hopi “useful” y por wordo practica direct … e ta bay beneficia mi hopi den mi bida di tur dia.” Otro persona cu tambe a participa ta Chobby Croes, e la comenta: “Mi a haya e sesion masha bon mes. Profesional y sinembargo personal, logrando di haya tur hende envolvi, serio pero cu humor y segun mi efectivo …”

E reaccion y interes den e curso tabata asina positivo cu Aruba Hypnosis Center NV ta considerando pa presente mas biaha e aña aki.