Gobierno ta creando un problema y lo saca probecho tambe financieramente

Durante un conferencia di prensa di PDR, Sr. Andin Bikker ta comenta cu e caya grandi ta wordo drecha masha bunita pero tin limitacion di parkeo. Un cantidad di lugar di parkeo a wordo perdi y no a traha nada adicional na lugar di esaki. Patras di Bestuurskantoor mes tin un cantidad di luga a bai perdi of ta reserve pa construccion. A wordo priminti cu na unda antes tabata Tivoli y Texas lo traha un lugar di parkeo pero nada no a wordo haci ainda. Gobierno a priminti cu pa dia 15 di December e proyecto di Tram lo keda cla pero e pregunta ta awo unda tur hende cu kier shop den caya ta bai para nan autonan. Tambe a compronde cu den e plannan ta poni cu tur lugar di parkeo nobo lo cobra pa parkeo incluyendo pa esnan cu ta traha den caya grandi. Awor e pregunta ta sinta si acaso e doñonan di trabao lo paga e 50 pa 60 florin extra tur luna na e trahadornan pa nan por para nan auto. Ta pidi Gobierno pa adresa e problema aki ya cu hopi ta esnan cu lo bay para auto riba acera cual lo ocasiona cu nan lo haya un boet tambe. Gobierno ta bezig ta creando un problema cual te hasta lo bay saca placa for di e problema aki. Mesun problema aki por wordo confronta den areanan di hotel cual poco poco tur lugar di parkeo lo bira cu mester paga.