Gobierno a traha plan integral y lubida un parti esencial

Durante conferencia di prensa di partido MEP, sr. Arondino Croes a duna di conoce cu e tram tey. A paga 8 miyon pa esaki pero te awe por mira cu tin tram pero no tin caminda pa warda nan cual ta mescos cu locual ta pasando den caya grandi. E parti esencial cu gobierno a lubida ta, unda ta bay warda e tramnan aki. Ora cu nan a anuncia supuestamente e lugar unda ta bay aloca nan, nan a vocifera cu nan a lubida e parti aki. Si bo tin un plan integral manera bo ta propaganda cu e cambio pa caya grandi, bo no por a lubida, unda lo bo bay acomoda e tramnan aki. Imposibel pa kere cu e tramnan aki ten a ultimo ora ta pensa unda ta bay pone esaki. Gobierno a lubida di traha un lugar pa warda e tram. Con bo ta papia di un plan integral si bo ta lubida e parti aki. Aki ta constata cu no tabata tin ningun plan traha paso si tabata tin un plan traha, lo bo a traha esaki paralelo cu bo ta bezig ta order e street car nan aki. Pa esaki a costa 8 miyon florin, ta duda cu e balor adkeri di esaki mirando cu nan no ta full nobo, tin e balor di esaki. Sr. Croes a bay core na e parti patras na unda e tram mester pasa y bo ta wak cu ora yobida haci su efecto, ja caba bo ta mira con e klinkers a cuminsa zak caba y nan ta mescos cu ola di lama na cierto caminda y esaki bo ta constata cu den corto tempo. Ta bon mes cu esaki ta sosode awor aki paso si ta otro aña cu MEP ta den gobierno, nan lo bisa cu ta pa culpa di MEP e klinkersnan a faya paso MEP no a mantene nan. Aki bo ta mira cu soppi pura ta Sali salo. Mescos cu nan a haci den otro areanan, aki tambe nan ta haci’e djies pa bisa cu nan a cumpli. Mescos e asphalt cu nan a pone banda pariba, mescos e klinkers cu nan a pone dilanti Djiespies cu nan mester ranca bek anto pueblo mester paga pa esaki. Asina e otro trabaonan a wordo constata na unda cu sr. Croes mes a mira esaki.