Ex muhe ta ranca bay maltrata muhe nobo di su ex homber

ORANJESTAD—Dialuna cuarto pa tres di atardi, e muhe J.F. naci na Aruba di 22 aña, a bay warda di polis y ta duna keho di maltrato y destruccion. E ta declara cu dia 24 mas o menos 14.30, el a bay topa su amigo, e homber E.S. riba e luga di parker tras di Botica Oduber. Ora cu el a yega eynan, su amigo E.S. a bay cerca su ex amiga, J.T. cu kende e tin yiu, pa dun’e placa. E ta bisa cu di ripiente J.T. a bin riba dje y a dal’e den su cara y a gare duro na su brasanan. Polis a mira cu J.F tabatin herida na su cara y tabatin plekki blou na su brasa. Durante esaki su celular y un bril di solo a wordo kibra. Polis a bise pa e bay poli prome pa busca carta di dokter y despues bay duna keho na Recherche.