Enbes di critica ban engrandese nos carnaval
Durante e apertura di Carnaval 59, sra. Tecla Kelly ta comenta cu Stichting Arubaanse Carnaval ta sigui traha pa yuda e gruponan di Carnaval yega na fondonan necesario ya cu no ta facil pa gruponan di Carnaval yega na e fondo financiero por medio di sponsor. Pa es motibo aki SAC ta haci un yamada na comercio di Aruba pa habri nan curazon y duna aporte na Carnaval. Ban tur hunto pa haci Carnaval 59 un carnaval caminda un y tur por ta orguyoso di dje. Nos no mester laga niun obstaculo stroba e celebracion. Nos mester pensa kico pa haci pa mehora of kico por ta nos contribucion pa Aruba su carnaval enbes di sinta critica sin cu ta trece alternativanan pa mehora y asina engrandece Aruba su Carnaval. Carnaval ta genera entrada pa SAC pero tur entrada ta bay bek den pagamento di tur gastonan di Carnaval. E carnaval ta trece tambe entrada pa pais Aruba ja cu e economia ta draai tambe rond di dje. SAC su miembronan ta voluntario y nan ta haci e trabao cu amor. Nos ta dilanti un celebracion grandi cual ta carnaval 60. E aña aki nos ta celebra carnaval 59 pero hopi grupo ta cla caba pa Carnaval 60. Den Carnaval 2013 Aruba un biaha mas ta na cabes y pa es motibo aki nos mester mantene. Sra. Tecla Kelly kier pa nos cuminsa un carnaval positivo y laga esaki sigui ten a final caminda cu ora kima e Momo nos por bisa cu e carnaval di Aruba si ta Carnaval.
Trackback from your site.
Comments (6)
pa un pueblo bendisiona
| #
Aha, con bai pueblo e fiesta di apoja e diabel ta dilanti frenta atrobe .Falta hopi ainda pero ja pa apoja e diabel si ja nan ta cla 2 pa 3 luna prome caba of mas.Berdad eta un fiesta hopi atractivo pa atrahe e alma nan serca e diabel.Corda si bo pone esaki na prome lugar den bo bida mene hopi hende ta hasi, esei kiermen cu bo ta entrega bo mes na e diabel. Berdad eta un fiesta cu a bira asina grandi i asina bunita pero pensa bo mes pakiko ela bira asina grandi.Tur cos cu ta wordo apoja cu e diabel claro cu eta bira succes.Tur hende cu a apoje a crece,i tur a lamenta despues.I si bo sa di algun storia nan berdadero cu a pasa cu e artistanan mes. Si bo tin tempo bai riba you tube i wak pa bo mes tin hopi cos ei riba pa habri bo mente, stop di bai hasi cosnan cu no ta bon laga bo mente mes pensa pabo.Pueblo mester custuma cu Carnaval den futuro mester caba e cos aki no ta bon ni masce con grandi eta dies apceta cu eno ta bon . Ta bai ta duro pasobra esun nan cu ta gana asina hopi plaka cu ne ,claro nan no kier pa e cai. Pone Jesus na prome lugar.Dios bendishona nos pais bunita Aruba.
Reply
Joonchi
| #
Tin mas diabel disfrasa na lamchi ta cana eyfo y supuestamente ta mas santo cu e papa di Roma manera bo mes.Carnaval ta acopla na misa Catolico y pa na cuminsamento di siglo twt wordo celebra caba. Bosonan busca e berdadero nificashon di dje y si bo no ta participa den dje busca otro cos pa hasi y laga hende cu si ta celebre hasie.
Reply
SINJA HISTORIA MIHOR
| #
CARNAVAL NO TA NA NINGUN ,MISA CATHOLICO ACOPLA ,MANERA BO MES A SUBRAYA TIN MAS DIABEL DISFRASA NA LAMCHI CUNAN TA SANTO ESEY TA BERDAD ESEYNAN TA E PORNIFICADORNAN ES TEMPO EY A KIER A ACOPLE PERO TA HAYANAN TA FESTEHA RIBA CAYA NO DEN MISA I SIGI ASINA PESEY CATHOLISISMO TA DEN SU,……….. UNDA ETA AWENDIA ,ABOLICION NA MALDAD ,PESEY DIOS TA CONTRA LOCUAL TA IMAGENAN DI DIABEL ETC ETC .
Reply
A GARA E PINAS MADURO
| #
TA PESEY OTTJIE GUSTA CARNAVAL PASO ASINA E TA HANJA E CACHO NAN DI DIABEL PA E TENE, AHORA ENTIENDO.
Reply
pa un pueblo bendisiona
| #
Joonchi, pabo dies defende e fiesta diabolico caba ja bo a apoja bo diabel caba. Pero nunca no ta laat pa repenti, corda cu antes e tawata celebra mas diferente no manera awo, dies wak cu bo wowo, of ta hende mester wak pabo,wak e bisti e imagen nan e symbolnan cu nan ta usa cu nan no sa mes kisas kiko nan ta nifica. Dios bendisionabo,tc.
Reply
@@@@
| #
@ Pa un pueblo bendisiona: bo tin 100% razon, e TA un fiesta diabolico!!! Hende goodle e cos ey nan lo lesa! Abomination in the eyes of the Lord, Sodoma y Gomorra e ta…
Reply