E edificio ta un sick building pues no ta sirbi y ta perde tempo wardando

Sr. Lloyd Wever, vice presidente di SPA a comenta cu e ultimo desaroyonan cu ta pasando pa loke ta e warda di polis na Playa cu ta den un mal condicion y cu awor a yega un punto cu e miembronan di sindicato di polis SPA kier un solucion lo mas pronto posibel. E problema ta cu for di Oktober aña pasa tin un proposicionnan Minister encuanto e Horizonte Building. Tin sketchnan haci caba pa e edificio aki y DIP a bay wak eynan caba y negociacionnan a wordo haci. Pues no ta compronde cu ta bisa cu no tin lugar pa nan mientras cu tin lugar. A wordo bisa na Minister cu e edificio ta un sick building y e kier mira rapport pero ta kere cu ta bisto cu e edificio no ta sirbi y ta perde tempo wardando. Desde oktober tin plannan riba mesa pa e departamento uniforma y e peticion di SPA ta pa mas liher posibel muda tur departamento tanto Recherche como esnan uniforma. Mester pone e salud di hende na prome lugar enbes di placa segun sr. Lloyd Wever.