Diahuebs marduga 3 joven ta bolter cu auto pabow di Drive Inn

Diahuebs marduga prome cu 3or Polis y Ambulans a ser manda pabow di e lus nan di trafico di Drive Inn. Aki nan un auto Toyota di 2 porta ta bolter y tin 3 joven den dje. Ta trata di un Toyota Yaris lift back. Milagrosamente e 3 joven nan aki a sali cu solamente algun rasca. Segun nan version un auto lo a sera nan. Polis na e sitio a analisa e sporen nan y nan ta bin ripara cu probablemente e chauffeur di e Toyota aki lo tawata pasando auto y probablemente trafico contrario tawata acercando y a bay drenta bek,aki nan ta caminda cu cos a bay robes. Danki na e yerba halto nan cu a kibra e impacto fuerte. Si tawata tin un palo di lus of stam di un mata diki eynan cos lo por tawata hopi pio. A presenta 2 Ambulans na e sitio ta transporta tur 3 pa Hospital pa un chekeo mas profundo. Spera e joven nan aki y tur otro cu a caba di subi nos caminda nan pa tene cuenta y cu ariba caminda bo mester pone tino y no haci wega cu auto. Den Playstation of Xbox bo ta bolter y bo ta primi un boton y bo ta sigi core,den bida real bo no tin e opcion aki.