Dia 31 di December 2012 ta ultimo dia pa bende klapchi

Recientemente den oranan di marduga a tuma lugar e preparacionnan pa locual ta trata e organisacion pa cu bendemendo di klapchi cu a cuminsa dia 27 di December . Sr. Rubin Ponson a comenta cu e prome lotenan a wordo saca marduga cual tabata tin trabaonan andando te den oranan di merdia riba wela. Hopi ta esnan cu a saca nan klapchinan di aña pasa hunto cu esnan cu a bin e aña aki. Bendedornan a cuminsa bende na e momento cu nan a ricibi nan klapchinan y e departamento concerni a tene nan controlnan na e lugarnan di benta pa mira si tur cos tabata na ordo. 16 container a wordo importa e aña aki di klapchi cual ta menos cu aña anterior. No a resta mucho di aña pasa pues por bisa cu mayoria klapchi ta nobo pues di e aña aki. Bendedornan mester tene cuenta cu e ultimo dia pa bende klapchi ta dia 31 di December 2012 pa 9’or di anochi.