Despues di secuestro y tortura pa droga, Darwin Gregg a sali pa Venezuela pa atende kemadura pisa
WILLEMSTAD.- Rond di 22 di Maart, e conocido locutor, donjo di radio y alaves artista Darwin Gregg a wordo secuestra y malamente tortura. Esaki ta e noticia mes di Extra: Ayera alrededor di dos’or dimardugá dos(2) kriminal kara tapá i fuertemente armá a sekuestrá i torturá e konosido lokutor Darwin Gregg eksigiendo plaka i droga. E suseso a kuminsá na momento ku Darwin huntu ku su kasá a kore yega nan kas den Californiëweg.
x
Planiá detayadamente, ya e tres suhetonan tabata skondí ta warda Darwin yega pa asina bou di menasa ku arma di kandela drenta den e vehíkulo (pikòp) di Darwin pa mara man ku pia, teip boka i tapa kara di ámbos.
Enbes di drenta den e kas e suhetonan a sekuestrá e pareha, loke ta duna muestra ku no tabata trata di malechornan ku tabata djis en búskeda di djis algu di sèn òf ophetonan di balor.
Planiá detayadamente, ya e tres suhetonan tabata skondí ta warda Darwin yega pa asina bou di menasa ku arma di kandela drenta den e vehíkulo (pikòp) di Darwin pa mara man ku pia, teip boka i tapa kara di ámbos.
Enbes di drenta den e kas e suhetonan a sekuestrá e pareha, loke ta duna muestra ku no tabata trata di malechornan ku tabata djis en búskeda di djis algu di sèn òf ophetonan di balor.
Nan a bai ku e pareha na un sitio ku di akuerdo ku e deklarashon ku a ser duná, por a tende sonido di awa den fondo. Pa despues bai un kas kaminda tabatin mas persona.
Netamente na e kas aki e tortura a kuminsá. Darwin a wòrdu preshoná di tur manera pa kontestá preguntanan dor di kim’é ku un opheto kayente eksigiendo pa e duna nan droga i plaka.
Netamente na e kas aki e tortura a kuminsá. Darwin a wòrdu preshoná di tur manera pa kontestá preguntanan dor di kim’é ku un opheto kayente eksigiendo pa e duna nan droga i plaka.
Tabata despues di tur esaki ku a kita sèn, oloshi i prenda for di e víktima i bai baha nan na vèlt di Buena Vista den Julian kaminda a laga e pareha mará atras. Tabata e señora ku a logra lòs su mes ku a yuda Darwin tambe pa lòs. Tabata na e momento ei numa ku a buska yudansa i notifiká polis di loke a pasa. E promé patruya polisial ku a yega na e sitio i a transportá Darwin mesora pa Poliklínika mirando ku e tabatin un kap formal na su kabes i heridanan di kemadura na su brasanan i barika.
E kasá na su turno no tabatin mester di atenshon médiko. Mientrastantu Kuerpo Polisial ta hibando un investigashon intensivo pa saka afó ta ken ta tras di e akto kriminal aki.
Konforme komentarionan ku ta sirkulá den baho mundu e kaso tin un tinta misterioso i tin preguntanan ku ainda ta kologá. Manera entre otro, ta di unda e kriminalnan aki a sali ku ta eksigí droga fo’i Darwin te pa nan hinka un plan di e manera ei den otro. Un biaha mas no ta trata di ‘kruimelboeven’ pasobra e promé kos ku nan lo a hasi ta drenta den e kas na Californiëweg pa supuestamente wak kiko di balor tin den e kas. Pues tin vários detaye ku konforme kontaktonan den kaya ta konsiderá un poko straño.
Konforme komentarionan ku ta sirkulá den baho mundu e kaso tin un tinta misterioso i tin preguntanan ku ainda ta kologá. Manera entre otro, ta di unda e kriminalnan aki a sali ku ta eksigí droga fo’i Darwin te pa nan hinka un plan di e manera ei den otro. Un biaha mas no ta trata di ‘kruimelboeven’ pasobra e promé kos ku nan lo a hasi ta drenta den e kas na Californiëweg pa supuestamente wak kiko di balor tin den e kas. Pues tin vários detaye ku konforme kontaktonan den kaya ta konsiderá un poko straño.
En todo kaso Departamentu di Atrako ta kontinuá ku e investigashon. Anto ta supliká tur persona ku ta kere ku nan tin informashon riba e kaso aki, pa pasa e informashon pa polis. Por yama Atrako Tim na 866.6192 òf tambe por yama na 911 durante di 24 ora òf e number anónimo 108.
Trackback from your site.