Den caso di sr. John Croes no tabata tin documentonan cu por a hustifica e decision di gobierno

Durante un conferencia di prensa convoca pa abogado Anthony Ruiz e ta amplia mas riba su clientenan cu a gana nan caso. Un di nan ta sr. John Croes di Jhon’s Pizza cual a cuminsa October aña pasa cu un kortgeding na unda cu a forsa gobierno di Aruba pa organisa un destaho publico cu mester a tuma lugar pa motibo cu gobierno di Aruba a duna e compania di Aruba Calloway Corporation sin ningun destaho publico un contract cu ta suma posiblemente riba 2 miyon florin pa aña. E problemanan cu su cliente a cuminsa, no aña pasa sino dia 31 di Augustus 2011 caba. Gobierno apesar cu su cliente tin un contract cu gobierno pa duna cuminda di catering pa e detenidonan na KIA y e politie wachten nan a dicidi di kibra e contract. El a bisa desde awor nos ta kibra contract y no mester di bo mas. Ora a manda un carta pa asina bisa cu mester respeta contract of ta bay cuminsa un kort geding a ricibi un carta cu nan ta respeta contract y yen di sorry. Na February 2012 a ricibi un carta bisando cu nan ta bay termina un contract cu tin cu nan cu lo termina na September 2012, locual a pasa ta cu na July 2012 sr. Croes ta bolbe haya un carta bisando “mayan bo no mester bin mas paso Calloway ta cuminsa traha” e ora ey mester a bolbe manda un carta na gobierno pa bisa cu sr. Croes tin cu traha te cu dia 30 di Augustus mirando cu su contract ta sigui. A bolbe haya yen di sorry y a wordo bisa cu e mag sigui traha e ultimo 30 dianan tambe. Den e mesun carta a manda puntra sr. Dowers y gobierno “Bo a haci un destaho publico pa determina si bo mag sera un contract cu Calloway si of no?” A manda 4 carta y ningun contesta. Esey a conduci cu mester a cuminsa e caso aña pasa na October 2012 pa e haya un destaho publico. Huez basa riba hechos y preguntanan cu a wordo haci na abogado di gobierno di Aruba, na unda cu gobierno no por a legitima y contesta pakico nan a duna Calloway e contract sin un destaho publico sin motibo ningun huez a dicidi cu a base di esey e ta oblige gobierno di Aruba pa organisa un destaho publico y bay na otorgamento di e contract despues cu e destaho publico tuma lugar. Esey a sosode. E kopend di e bestek a sosode di a 15 di October. Dia 30 di November ta e dia crucial den e caso aki, caminda cu tur hende mester a entrega tur document cu ta rekeri pa un destaho publico. Tur hende e dien in nan prijs. Sr. Croes du prijs pa cuminda ta 16,45 florin y esun di Calloway ta 22,75 florin pa cuminda cual ta un diferencia di 6,30 florin mas caro. A pensa a base di e mas di 20 aña di experiencia cu sr. Croes tin trahando den e ramo ey, nunca tabata tin ningun keho riba su cuminda pues cu e lo gana e bidding. Pero dia 4 di January su cliente ta haya un contesta bisando cu bo no a gana e bidding pa motibo cu nan a escohe pa Calloway. Naturalmente esey tabata un baño di awa friew. Na e momento ey a cuminsa inventarisa tur informacion cu tin paso sr. Ruiz sa cu esaki practicamente no por. No tabata tin documentonan cu por a hustifica e decision di gobierno pues na mes momento a cuminsa pidi e inzage di e dossier y tambe pidi conforme ley pa haya documentonan cu ta substancia y legitima e decision di gobierno pa kies pa Calloway. Te dia di awe tur peticion cu a haci pa haya documentonan aki siendo cu tin derechoo riba nan conforme ley pues nan mester duna esaki nan pero a wordo nenga. Tin siete carta manda y tur a wordo nenga. Despues a haci un beroep riba Lands Verordening Openbaarheid van Bestuur mirando cu si no ta haya esaki via un ley ta bay over na un otro ley, tambe a wordo nenga. Awor aki cu despues cu a haya un inzage den e dossier a ripara cu tin algun cos cu a bay malo den e caso aki pa motibo cu dia 30 di November mester a entrega prijs y documentonan di con lo bo bay haci e projectonan aki. Den e inzage ta mira cu algun document a wordo entrega despues di dia 30. Pues bo por imagina bo cu bo ta bay competi pa mira ken ta trece e mihor producto pero ora abo ta entrega bo documento, e partido cu tin cu dicidi rib abo documento ta bay bisa e otro partido cu el a entrega esaki, wak pa bo tambe entrege.