Dama ta keda seriamente herida despues cu e ta bolter cu su F150 den un rooi na Bubali

Diahuebs marduga algo prome cu 2'or un accidente serio ta keda registra schuin dilanti di e Bocco Bar Restaurant. Mes ora Polis di Noord ta jega na e sitio y ta hanja un Pick Up color cora F150 benta den e rooi. Den e Pick Up e dama chauffeur benta herida den dje. E auto probablemente lo tabata bin for di direccion di pabou , dus for di Superfood bin ariba. E ta kita bay full na su banda robes di caminda pa despues bolter y bay para den e rooi. Ta ser specula cu e por ta bebi of e por a bira malo tras di stuur. Ambulance a presenta y ta sake for di e auto pa transporte pa Hospitaal. Polis a bay avisa na e su cas kiko a pasa.