Curso di electronic scoring tabata un exito rotundo

Den e siman di 15 di april pa 19 di april tabata na Aruba Sra. Sylvanie kende ta un experto riba e tereno di scoring y tambe electronic scoring. Riba peticion di Aruba Softball Bond e señora aki a bin Aruba y asina brinda e ayudo necesario pa asina desaroya nos scorersnan. Na un manera hopi ameno na Sportstime Café cursistanan a sigui 5 dia intensivo di curso unda en particularmente a enfoca riba un programa profesional di electronic scoring. Sr Eli Pers kende a keda nombra pa Aruba Softball Bond pa ta encarga cu e team di scorers a keda hopi impresiona cu e sistema. Di tur e cursistanan por a nota cu nan a siña masha hopi y hopi pregunta a wordo haci cual pa tur pregunta tabata tin amplio contesta. Aruba Softball Bond lo pone e sistema disponibel pa Copa Noord 2012 cual lo bira e prome Torneo cu scorersnan di Aruba Softball Bond lo bay haci uzo di e electronic scoring y asina poco poco pero sigur prepara pa Champ of the Champs y tambe despues pa campeonato regular di ASB cual lo cuminsa inicio di augustus. Asina ASB ta demostra di sigui traha na bienestar di softball desaroyando conocemento di nos dirigentenan den tur aspecto. Pabien na tur e cursistanan y tambe un palabra di danki na Sra. Sylvanie pa e tremendo trabou y conocemento.