Corsou: ctex A PONE PROME PIEDA

Curaçao Technology Exchange N.V. (CTEX), a pone prome pieda pa cuminsa construccion di e centro di data di mas avansa y di mas moderno den Caribe y parti noord di America Latina, esaki den presencia di autoridadnan gubernamental local, institucionnan financiero y partnernan local y internacional.

CTEX su ‘CU-1’ ta prome di e cuater 5.200 m2 (52,000 pia cuadra) centro di data cu densidad super halto cu ta keda construi na Corsou riba cabes di Seru Mahuma cu ta keda 60 meter riba superficie di lama. E compania hunto cu partnernan local y internacional manera Schneider Electric y CISCO, a cuminsa oficialmente construccion di e centro di data di diseño Tier-IV, certifica pa LEED. E facilidad lo ta interconecta cu 6 sistema di fibra submarino cu ya ta existi caba, mientras cu tin varios compania nan internacional di telecomunicacion cu tin intencion pa haci e facilidad e punto principal pa interconexion internacional pa Caribe, America Latino i Europa. Ta construyendo e facilidad di CTEX na Corsou caminda tin beneficionan fiscal excelente, incluyendo liber di impuesto di importacion riba ekipo, 2% di impuesto di ganashi pa companianan internacional cu kier establece un entidad operacional riba e isla y e ta keda zweef pafo di zona activo di horcan. Por broma cu Corsou ta tambe parti di Reino Hulandes cu un forsa laboral multilingual (Ingles, Hulandes, Spaño, Papiamento) haciendo e un porta perfecto pa Europa, Caribe y America Latina.

“Loke nos ta construyendo aki na Corsou no ta comparabel cu nada local ni regional. E nivel di siguridad, habilidad pa resisti horcan y actividad sismico, redundancia, conectividad, neutralidad pa cu companianan internacional di telecomunicacion y rikesa di servicionan simplemente no ta existi den niun facilidad awe den region loke ta haci CTEX su centro di data un di e facilidadnan di mas avansa den region. Un danki special ta bay pa minister Charles Cooper, diferente departamento di gobierno, inversionistanan local y internacional y institutonan financiero pa haci e proyecto aki un realidad,” asina Anthony de Lima, Chairman y CEO di e compania a bisa.

Minister Charles Cooper, encarga na Corsou cu planificacion y infrastructura den su discurso na e evento di ponemento di prome pieda pa CTEX a bisa cu “Corsou tin tur ingrediente necesario pa atrobe bira un hub principal pa comercio den region. E biaha aki nos ta haci’e uzando tecnologia. E sitio aki lo sirbi como tereno di cultivo pa un liga nobo di empresario, tiponan nobo di negoshi y un luga caminda companianan global por bini y tin e trankilidad di mente cu nan por haci uzo di un facilidad di clase mundial y haci negoshi na un manera zweef y sigur. Nos lo habri nos brasanan pa esnan cualifica cu ke bin Corsou y ofrece un man den construccion di nos pila economico di mas nobo. Bin cu bo bukinan, trece bo educacion, trece bo experencia y traha man cu man cu nos hendenan.”

“Schneider Electric, e specialista global den maneho di energia ta contento y ta felicita CTEX cu comienso di nan proyecto di centro di data i nos ta gradici nan pa e confiansa den nos compania. Schneider Electric, ta cumpli cu su compromiso pa duna su clientenan mundial e miho solucion pa uzo di energia eficiente. Nos a traha lunanan hunto cu e team di CTEX pa yega na solucionnan cu lo tin miho potencial pa baha e impacto riba medio ambiente y e diseño di mas sofistica. Na Schneider Electric nos ta emociona ya cu esaki ta un di e proyectonan di mas ambicioso cu nos a participa aden. Nos a logra nos meta como lider global den maneho di energia ofreciendo miho solucion na mundo caminda ta crucial pa yega na maneranan creativo pa gasta menos di recursonan di balor di nos planeta,” asina Sr. Milton Silva, director di Schneider Electric pa America Central, Caribe y Miami a bisa.

“CTEX tin e potencial pa crea un pila economico nobo pa Corsou. Nos ta contento di por ta un di e sponsornan principal pa e proyecto. Nos a mira e potencial for di prome dia y tabata determina pa haci e proyecto aki un realidad,” asina Sr. Erica Garcia, CEO di Girobank N.V., cual ta un di e institutonan financiero di mas importante cu ta sostene e proyecto, a bisa.

CTEX lo ta operacional den prome mita di 2013. E diseñonan ta basa riba specificacionnan Tier-IV, e standard di mas halto pa cualke centro di data. Su nivel di siguridad, redundancia, sosten pa sistemanan di computer di densidad halto ta basa riba ultimo diseñonan den industria di centronan di data. E espacio di computer principal di e centro di data ta dividi den couchinan cu ta contene sistemanan ma maneha temperatura avansa i cabinanan priva basa riba exigencianan di cliente. E compania a cuminsa tuma caba reservacion di clientenan domestico y internacional.

Tocante di Schneider Electric

Cu specialidad global di maneho di energia cu operacionnan den 100 pais, Schneider Electric ta ofrece solucionnan integra dor di segmentonan multiple di mercadonan, incluyendo posicion di liderazgo den utilidad y infrastructura, fabricantenan di industria & di mashin, edificionan residencial, centronan di data y rednan di comunicacion y residencial. Enfoke ta riba trahamento di energia zweef, confiabel y eficiente. E compania di 130.000 empleado tin un balor di 22.4 biyon Euro na 2011. Pa mas informacion por bishita www.schneider-electric.com.