Confirmacion di Marcus Miller y Allen Toussaint’s “The Bright Mississippi”

E lineup pa Curaçao North Sea Jazz festival ta casi completo awor cu Marcus Miller a confirma pa diasabra y Allen Toussaint’s “The Bright Mississippi” featuring Don Byron & Marc Ribot ta toca riba diabierna. Tambe ta conoci cu Gregory Porter ta presenta diahuebs 30 di augustus na Brakkeput Mei Mei mientras cu Alain Clark ta duna un concierto e dia prome na Mambo Beach.

Marcus Miller ya pa hopi aña no por keda sin consider’e den e top di escenanan di Jazz di awendia. Aunke cu esun mas conoci ta e basista Miller alabes tambe un gran compositor, productor y multi-instrumentalista. E ta un musico di sesion hopi pidi y e ta tocando riba mas di 500 album, entre otro esun di Michael Jackson, Wayne Shorter, Frank Sinatra y Aretha Franklin. Miller a gana un cantidad considerabel di Grammy Awards; como productor, pero tambe pa su solo-album M2.

Un di e grandinan di New Orleans, asina nos por yama y denomina sigur Allen Toussaint. E leyenda di R&B di 74 aña ta conoci como productor, compositor, pianista di sesion, areglista i artista solista. El a traha cu un cantidad enorme di artista i el a skirbi un monton di hit. Pa su ultimo album, The Bright Mississippi di aña 2009, produci pa Joe Henry, Toussaint a ricibi e aña despues un nominacion di Grammy. E aña aki a inclui Toussaint den Blues Hall of Fame. Na Curaçao North Sea Jazz e ta toca cu clarinetista Don Byron y guitarista Marc Ribot.

Alain Clark a haya popularidad na Hulanda cu su album Live It Out di aña 2007. Su di dos single Father And Friend, un duet cu su mes tata Dane, a bira un gran hit. Su di dos album na Ingles Colorblind a aparece na 2010 y a confirma definitivamente e status di Clark como un di e artistanan cu miho benta na Hulanda. Pero tambe pafo di Hulanda e ta obheto di admiracion: despues cu el a firma un deal stranhero, a presenta su muziek tambe na entre otro Gran-Britania. Otro luna Clark ta saca su di cuater album cu yama: Generation Love Revival. Diaranson 29 di augustus e ta duna un concierto na Mambo Beach.

Como tiener Gregory Porter tabata un hungado di futbol Mericano prometedor, te na e momento cu un lesion na schouder a pone un fin na su carera deportivo. Afortunadamente e por a dispone di ainda un gran talento: su bos bunita y caluroso. Despues cu el a cuminsa cu presentacion den clubnan chikito di Jazz, entre tanto Porter ta fama como nomber creciente den “vocal jazz y soul”. Na 2010 el a presenta cu exito su album debutante Water anto el a keda nomina pa un Grammy Award den e categoria Best Jazz Vocal Album. Anteriormente e aña aki e sucesor a aparece ‘Be Good’, cu a haya por lo menos mes tanto critica di elogio. Despues cu a buk e cantante aki aña pasa y e aña aki na Rotterdam North Sea Jazz, awor e ta bin presenta su arte na Corsou.

CURAÇAO NORTH SEA JAZZ FESTIVAL

diabierna 31 di augustus cu e.o. Santana, Rubén Blades, Jill Scott, Sergio George’ All Star Salsa Friends, Buika, Caro Emerald y Dizzy Gillespie All-Star Big Band dirigi pa Paquito D’Rivera, Allen Toussaint’s “The Bright Mississippi” featuring Don Byron & Marc Ribot.

diasabra 1